بنات حواء ابيكم تساعدوني .......ابي طريقة معمول بدقيق البر بسرعة الله يبارك فيكم

الحلويات الشرقية والغربية

خواتي الرائعات

لاني اعرف شهامتكم وفزعتكم يالغاليات

ابي منكم مساعدة ..........

زوجي وعيالي يحبون معمول بدقيق البر السعودي

وعندي واجد تمر خلاص لين ودقيق االبر..........وودي اسوي لهم المعمول

لكن للاسف ما اعرف اشلون اسويه

تكفون اللي تعرف طريقة مضبوطة بالدقيق البر

مو بالدقيق العادي ........لاني وجدت وصفات كثيرة

ابيه بدقيق البر لانه صحي ويحبونه اكثر

اللي تساعدني والله بدعي لها من قلبي


منتظرة مساعدتكم على احر من الجمر .
6
4K

يلزم عليك تسجيل الدخول أولًا لكتابة تعليق.

تسجيل دخول

مشتاقة للقاء الله
وانا ابغى بعد
**أم معاذ**
**أم معاذ**
تفضلي حبيبتي طريقة معمول على هيئة سويسرول لكن والله لذييييييييييذ
المقادير:
3 كاسات دقيق بر
ربع كأس زيت
نصف كأس زيت زيتون
ثلاث أرباع الكأس حليب حار
ملعقه كبيره بيكنج باودر
ملعقه صغيره حبه سوداء
ملعقه صغيره شمر

الطريقه:
تخلط جميع المقادير الجافه ثم تضاف السوائل وتعجن وتفرد العجينه على هيئة مستطيل ويفرد عليها التمر ثم تلف على هيئة سويسرول وتقطع دون أن تنفصل وتدخل الفرن إلى أن تنضج

التمر يعجن بقليل من عصير البرتقال والزيت

لما تقطعي المعمول لشرائح لا تفصلي الشرائح عن بعض أتركيها متلاصقه في بعض والهدف من تقطيعه قبل دخوله الفرن لأن لوقطعتيه بعد ماتخرجيه من الفرن راح يتكسر ومابيطلع شكله مرتب

وأتمنى إذا عملتيه أو عندك اي إستفسار ترسلي على الرسائل الخاصه لأن ممكن ماأنتبه للموضوع

ودعواتك
ديمةحب
ديمةحب
مشكورة ام معاذ الله لا يحرمني منك .

ويارب يخلي لك معاذ ويبارك لك فيه .
marshmallow
marshmallow
جزاك للله خيرا على الوصفة ياام معاذ
جربتها وطلعت لذيذة
ريح الخزامىَ
ريح الخزامىَ
تسلمين أم معاذ سجلت الطريقه عندي ونشاء الله اجرب الطريقه

لاني من محبي المعمول بالبر :27: