بنات حواء الخبيرات زوجي ايش يقصد بكلمته ادخلوا وسا

مموودي :

اهللين اختتي شووفي الطلبات ماتطلبين كل يوم يومين طالعه بحاجه ههههههه يطفشوون ترا مقاضي البيت كل اسبوع او اسبووعين يا انك ترسلينها له او تسجلينها بورقه انا الاغراض اللي ماتخرب مثل المعلبات والاجبان والطحين والزيت والسكر والبيض والليبتون والهيل والرز الاشياء الي زي كذا تكون مقاضي شهر بس الحليب والعصاير والزبادي والخبز كل اسبووع والخضار والفواكه كل اسبوعين مااكثر عشان ماتخرب فمقسمه نفسي وهو عارف متى اطلب كل اسبوعين خضره وكل اسبوع حليب وزبادي والاشياء هذي وبسس والشهري معرووفه حتى الصوابين واغراض التنظيف كل شهر اما اغراضك انتي مثل الملابس والعطور وكذا لو راتب زووجك حلو انا افضل المصرف الشهري يكون خاص فيك تطلبين منه مبلغ معين كل شهر يعطيك اياه وانتي تقسمي حاجاتك عليه يعني بدل ماتنطين له كل يوم مثل يلا خلص عطري او ابغى لبس او ابغى الصيدليه او او الفلاني لا يصير كل شهر ينزلك لسوق اذا حابه واشتري او اجلسي شهرين واجمعي مصرفك وانزلي مره وحدده تقضي ... وبسس وحاولي ماتطلبين بوقت يكون توه جاي من الدوام تعبان يبغى يتغدى وينام شوي او وهو طالع مستعجل عنده شغل او رايح لمكان وتجلسين تفكرين وش ناقصك وهو يستنى لا اطلبي من بدري ووقت ماتكونون فاضين وجالسين مع بعض وطبعا لازم تكتبينها بدري وتشووفي اغرااضك كامله قبل لاتجين عنده مايحبون سالفه كل شوي يوه نسيت جب الفلاني وهات العلاني لا اكتبيها كلها وخلاص اعطيه هو يجيبها لك .... واذا تبين تغيرين جو وتطلعين اتفقي معه يوم واحد بالاسبوع يطلعك طبعا انا عاادي اجلس بالبيت اسبوعين ثلاث مااطلع عادي ماشاءالله مااطفش ههههههه احس اقدر اونس نفسي بالبيت اسوي قهوتي واجلس معه واستانس هههه مع انه مايقصر يبغى يطلعني بس انا مااحب بس قلتله الجمعه او السبت طلع العيال للملاهي وانا عادي اجلس بالبيت اتفضى لنفسي عندي طفلين ولسى صغار وانا طبعي اذا طلع خلاص انسااااااه لين يرجع ومااساله عن شي ولا اعااتبه صار هو من يرجع يسووولف لي وين راح ووش صار معه لان كثر الاسئله والعتاب يطفششه انسيه وطنشيه ويصير هو يدورك اما المستشفى لا ضروري يعني لاتسكتين وتتغاضين لازم يوديك حتى لو يبغى ينام او تعباان طوولت عليك بس اتمنى اكون افدتك ولو بشي بسيط وان شاءالله البنات مايقصروون 💜💜

اهللين اختتي شووفي الطلبات ماتطلبين كل يوم يومين طالعه بحاجه ههههههه يطفشوون ترا مقاضي البيت كل...