بنات حواء الراي والمشورة

السلام عليكم
كيف حالكم يابنات حواء ان شاء الله انكم بخير وسلامة
المهم انا جايتكم اليوم باحكي لكم مشكلتي وعسى الله ييسرها والاقي عندكم الراي السديد ...
انا عندي بنت عمرها 14 سنة ومن 3 اشهر تقريبا ظهرت عندها ثعلبة في شعرها في البداية انا مااستغربت لانه سبق وجاتها والحمدلله عالجتها وراحت ورجعت مرة ثانية واستخدمت لها الثوم وكمان راحت لكن المرة الاخيرة هذه صاحب ظهور الثعلبة تساقط فظيع في الشعر وبدا شعرها يتناقص بشكل سريع المهم رحت لطبيب جلدية عطاني ادوية للثعلبة وللتساقط الا ان التساقط لم يتوقف لدرجة ان ابنتي الان تضع طرحة على راسها لتخفي الصلع الذي بدا يغطي راسها وعدت مرة للطبيب وهنا قرر انها لابد ان تضرب ابر في فروة الراس وبعد ضرب الابر ظهر الشعر ولكن (مثل اللي حالق شعره بالموس ) والمشكلة مو قاعده احس انه يطول الشي الثاني احس ان الشعر قاعد يطلع ويطيح مرة ثانية ورجعت للدكتور للمرة الثالثة وعطاني ادوية اخرى وكرر لها جلسة الابر ولكن الى الان احس انه مافي تحسن والمشكلة اني لاحظت ان حواجب بنتي بعد بدات تطيح وصايرة تايهة ماادري ويش اسوي وياترى وش التشخيص الصحيح لحالة بنتي
اتمنى اللي عندها فكرة او سمعت بمثل هذه الحالة او عنده راي تساعدني ولا تبخل علي بالرد النافع وجزاكم الله عني خير الجزاء