بنات حواء انتم تضحكون علي ولا انا فيني شي!!!

السلام بنات

انا مالي فتره والده ونفسيتي تعبانه جداً ( انا لسه في فترة النفاس)

بس ابي اسال البنات اللي يقولون ان الطفل يغير حياتك للاحسن والخ ؟؟؟ وين ما شفت شي احس انضحك علي
انا احب بنتي لحد يفهم غلط بس احس كل شي تغير
اشتاق لزوجي و هو جنبي احسه معاي و مو معاي
اشتاق اركب جنبه بالسياره بدال ما اقعد ورا عشان مقعد الطفل ( البلد اللي انا فيه لازم اجلس معه في مقعد السياره )
اشتاق اطلع من البيت وادج واروح مطاعم لحالي
احس كاني فقدت زوجي احس بحزن شدييييد ابكي طول يومي ونفسيتي تعبانه

اشوف الحريم يقولون ولدي حياتي ومدري وشو وأحبه والخ و زاد حبي بيني و بين زوجي بسببه و الخ بس ما شفت شي احس طول يومي بين الحفايظ و الرضاعه حتى شعري ما يمديني امشطه

شي ثاني متى تبداوون تشعرون بانه من جد طفلك!!! بسم الله على بنتي احبها وأخاف عليها بس مدري احس كانها مو بنتي
كانها بنت ناس حطوها عندي و راح ياخذونها


ساعدوني كيف أتأقلم ،، انا بصراحة انصدمت بالواقع
ولما اجلس افكر كذا احس بالندم لاني كاني اقول ما ابي بنتي مع اني احبها ب ابغى افهم وش فيني ساعدووووني انتم كنت تكذبون علينا ولا لا

ابي احس بالشعور اللي قلتوا عليه ويييينه ما جاني الا حزن و تعاسه

وبالاخير اتمنى عدم التجريح و الردود المسيئة ترى اللي فيني مكفيني اخاف تطور حالتي وتتحول كآبه


والله يحفظ ازواجنا و اولادنا و يسخرهم لنا يا رب