والله يا بنات اني اكتب لكم وانا متضايقه حيل ودوبني خلصت الصيحه......اف قهر تخيلو وسط زحمة اشغالك والدراسه قلتي اليوم بسوي مفاجأه غير شكل..وجلست يمكن ساعتين وانا احوس بعمري من كريمات لاصنفره لا مدري وشو ....لا تجي وحده تقولي المفروض تحطيها دايم...اعرف بس انا هذي المره زدت الجرعه شوي غير انو عندي اختبارات وسوالف..وتلبست وكشخت...دايم اللبس بس ذي المره غير ..وسويت ذيك الاكله مع حلى من يوم رجعت من الجامعه وانا احوس...
طبعا ابو الشباب طلع 6 المغرب ورجع 9....والله يابنات وانا احط الروج قاعده اتخيل المدح الي بيجيني لاني لابسه فستان جديد..وشفت نفسي ولا نانسي عجرم..واقعد اتدلع زيها..مالكم بالطويله..
دق على قال خلي البيبي صاحي ابغى اشوفه اذا جيت.............قلت هذي البدايه...
جاء ودخل مسرع وانا كنت مستلقيه على السرير والبيبي في سريره ...انا قاعده اكتب سلم عليه ومدري ايش وضحك ولعب وراح دخل مكتبه الى 12 ونص بنات ولا حرف سمعت ولا كلمه...لا تقول واحده المفروض استقبلتيه ومدري ايش ...انا ماكنت عارفه بالضبط متى... ولو سمعت شي حلو كان اوكي باطير من السرير وارمي الاوراق..لكن تقول اني خشبه.
ضاقت اخلاقي منه وتهاوشت معه وقلت اصلا انت مو رجال....زعل علي زعل مو صاحي بغى يطيرني من البيت....مستحيل اروح اراضيه مليت ...ابغى طريقه غير اني اروح له
والله
انا لي ثلاث سنين والله الحين ما تمر ثانيه ما نتهاوش ليش مدري...احس غير متفاهمين..مشكلة زوجي اذا تهاوشنا يعيرني بالماضي اي مشكله سابقه صارت بيني وبينه ما ينساها...
بعدين اهو صامت صمت مطبق ما يحكي ولا يمدح كثير وانتو تعرفون الحرمه تحب الي يمدحها تحب الكلام
________________________________________
باقولكم على حاجه انا لي سنتين ما نسيتها وكل مره اقول ابي اكتبها
انا قلت لكم انه ما يتكلم كثير مره كان هو على السرير يقرا قمت ابدل ملابس البس ملابس نوم فلبست شي قصير نص الفخذ وما قصدي شي باروح انام ولا كنت ابي شي...ناظر فيني قال وش الفخوذ كانها حقت الشاورما...لا تضحكووووووووووووون صعقت فتحت الباب وجيت ابي طلع ماعاد عرفت وش اسوي ...حسيت بغصه بحلقي والله اني ما نسيتها...تخيلو اول سنه زواج...اهو اعتذر بعدين قال كنت امزح...مدري هو صادق والا لا ....علما اني مو نفيخا ...جسمي وسط ولله الحمد ...بس بعض الاحيان يطلق كلمات ماهي في محلها ولا وقتها...لو مكاني وش بتسون في الموقف الاول والثاني...وقولو لي شي طبيعي هذي المشاكل ..كل يوم يقولي باوديك بيت اهلك ...احس اخر شي باطلق....مدري لييييييييييييييييييييييييه...
جاكلين13 @gaklyn13
عضوة
بنات حواء ...اهل الخبره...ما دقيت على امي ما ابي اضايقها..فكتبت لكم انتم...علموني
25
3K
يلزم عليك تسجيل الدخول أولًا لكتابة تعليق.
الله يهدي سرج ان شاء الله
مادري ليه احس انج حساسه بطبعج (تذكريني بصديقتي)
الموقف الاول اشوفه عادي جدا تصير فاحسن العائلات خخخخ<<<<لا تعصبين
بس انا مريت فهالموقف عشرات المرات في البدايه كنت اتضايق
بس بعدين سرت اقلب الموقف لصالحي
اقوم اقوله لاتقول انك ماشفت القمر الي قاعد هنا!!!
ولا في واحد عنده نظر مايشوف الحلا كله ولا الشياكه هذي
من هل الكلام علا بووز دلع مو جد
واقله خلاص ماراح البسه اذا موعاجبك بلاش منه
في البدايه كان يطنش شوي شوي سار يسايرني ويعبرني هههه
شوي شوي حبوبه واذا ع الكلام الحلو سمعيه انتي بالاول عشان يتعلم منج
ويمكن هو صدق مزحه ثقيل نفس ريلي اذا بيدلعني قال بطتي<<<بالله هذا دلع مو يحطم
مسكها علي ونا حامل كنت امشي زي البطه وبعدها طلع علي الاسم خخخخخ
اعرفي وين مفتاح شخصيه زوجك وانتي تكسبيه صدقيني
الله يوفقج دنيا واخره
مادري ليه احس انج حساسه بطبعج (تذكريني بصديقتي)
الموقف الاول اشوفه عادي جدا تصير فاحسن العائلات خخخخ<<<<لا تعصبين
بس انا مريت فهالموقف عشرات المرات في البدايه كنت اتضايق
بس بعدين سرت اقلب الموقف لصالحي
اقوم اقوله لاتقول انك ماشفت القمر الي قاعد هنا!!!
ولا في واحد عنده نظر مايشوف الحلا كله ولا الشياكه هذي
من هل الكلام علا بووز دلع مو جد
واقله خلاص ماراح البسه اذا موعاجبك بلاش منه
في البدايه كان يطنش شوي شوي سار يسايرني ويعبرني هههه
شوي شوي حبوبه واذا ع الكلام الحلو سمعيه انتي بالاول عشان يتعلم منج
ويمكن هو صدق مزحه ثقيل نفس ريلي اذا بيدلعني قال بطتي<<<بالله هذا دلع مو يحطم
مسكها علي ونا حامل كنت امشي زي البطه وبعدها طلع علي الاسم خخخخخ
اعرفي وين مفتاح شخصيه زوجك وانتي تكسبيه صدقيني
الله يوفقج دنيا واخره
الجازي3
•
والله مدري ويش اقول لك يا اختي هالرجال الله يصلحهم تقولين جدران مايحسون
والقهر انك تحصلين مدح من غيره اللي يقول لك انتي قمر او كنك لبنانية او ياسعد زوجك فيك او......
وابو الشباب ولا همه
انا كذا مرة اناقش زوجي او بالاصح اتهاوش معه على مسألة"اهتم فيني000حس فيني000امدحني0000تغزل فيني"والنتيجة اني كرهته في حياته وانا حتى لو مدحني ما احس فيه ..اقول ما مدح الا لما قلت له
نصيحتي ...خلي الهوشه عنك لاتقلبين حياتك جحيم والله راح تتعبين والرجال ترى نفسه طويييييييييييييييييييييييييييل وماتغيرينه الا بالطريقة اللبقة والصبر
اما بالهوشة ما ينفع
نصيحة من اخت مجربة
والقهر انك تحصلين مدح من غيره اللي يقول لك انتي قمر او كنك لبنانية او ياسعد زوجك فيك او......
وابو الشباب ولا همه
انا كذا مرة اناقش زوجي او بالاصح اتهاوش معه على مسألة"اهتم فيني000حس فيني000امدحني0000تغزل فيني"والنتيجة اني كرهته في حياته وانا حتى لو مدحني ما احس فيه ..اقول ما مدح الا لما قلت له
نصيحتي ...خلي الهوشه عنك لاتقلبين حياتك جحيم والله راح تتعبين والرجال ترى نفسه طويييييييييييييييييييييييييييل وماتغيرينه الا بالطريقة اللبقة والصبر
اما بالهوشة ما ينفع
نصيحة من اخت مجربة
حلوه وبس
•
أختي جاكلين13
عن الموقف الأول
صحيح الوحده تحب لما تلبس ان زوجها يمدحها ويتغزلها وتزعل اذا ما قال شي
بس شكلج انتي على طول متعدله علشان جذي زوجج ما لاحظ
والمفروض انج تروحين لزوجج وتقولين له باسلوب حلو ودلع : ما قلت لي اني اليو طالعه حلوه ؟ ومن هالكلام يعني بدلع ورقه وهو بيقول لج
مو انج تظلين زعلانه بمكانج
والموقف الثاني
صدقيني لا تحطين ببالج لان الرجال معروف عنهم ان مزحتهم ثقيــــــــــلة
هم متعودين مع بعضهم دايما يتطنزون على بعضهم
ومو معناه اذا قال لج جذي ان سيقانج مو عاجبينه
يمكن كان يبي يلطف الجو ويخليج تضحكين معاه
وخلج دايما فرفوشه مع زوجج ومشي حياتكم طبيعية
والله يوفقج
عن الموقف الأول
صحيح الوحده تحب لما تلبس ان زوجها يمدحها ويتغزلها وتزعل اذا ما قال شي
بس شكلج انتي على طول متعدله علشان جذي زوجج ما لاحظ
والمفروض انج تروحين لزوجج وتقولين له باسلوب حلو ودلع : ما قلت لي اني اليو طالعه حلوه ؟ ومن هالكلام يعني بدلع ورقه وهو بيقول لج
مو انج تظلين زعلانه بمكانج
والموقف الثاني
صدقيني لا تحطين ببالج لان الرجال معروف عنهم ان مزحتهم ثقيــــــــــلة
هم متعودين مع بعضهم دايما يتطنزون على بعضهم
ومو معناه اذا قال لج جذي ان سيقانج مو عاجبينه
يمكن كان يبي يلطف الجو ويخليج تضحكين معاه
وخلج دايما فرفوشه مع زوجج ومشي حياتكم طبيعية
والله يوفقج
شوفي ياعمري تبغين رايي بس بدون زعل بكلمك بصراحه في حريم من اول اسبوع خلاص يعرفون طبع رجالهم وفي حريم يبون لهم سنه لين يعرفونهم عدل وفي يبولهم العمر كله لين بس تفهم راس رجلها وش يدور فيه !!!
حبيبتي انتي تقولين بيبي ودراسه وبيت وقعدتي على السرير مع اوراقك لما وصل طيب كان لما كلمتيه قلتي له كم كلمتين حلوين ولمحتي له انك بتسوين له مفاجاه لان الرجا ل مب مثل الحرمه تفهم بالنظره لا الرجال عملي يعني يفهم لما تقولين له !! وتلمحين له عرفتي !!! كل ازواجنا كذا ويمكن البعض اكثر من زوجك بس مايصير تقولين له انت مب رجال تراها كلمه مب سهله وبعدين راح مكتبه وقعد طوووووووول هالوقت ماحاولتي تروحين له ولا حتى ترسلين له مسج مثير يثيره ويخليه يجيك ركض
ياعمري كل رجال له مفتاح واسلوب بس كل الرجال عمليين روحي له تلصقي فيه قولي له مسويه لك مفاجاه حلوه وبعدين لو ما عطاك وجه لك حق تزعلين ولا تقولين ماينفع معاه ولا يفهم بالرومنسيه ترا كل الرجال الا من رحم ربي مايعرفون شو يعني رومنسيه دورنا كزوجات نعلمهم ونخليهم يسوون اللي نبغيه بدون مايحسون مب يقولون زوجك على ماتعوديه !!!
حبيبتي تعليقات الازواج واااااااااااااايد لو اقولك شو يعلق علي زوجي كان متي من الظحك وكسرت خاطرك بس هم كذا كل ابو الدفاشه فيهم !!! مع ان زوجي يممموووووووووووووووووووووووووووووووووووووووووووووووت فيني وما امدح لك نفسي يعرف ومتأكد ميه بالميه ان ماراح يلقى مثلي لا بالجمال ولا بالسنع ولا الذوق ولا الطبخ ويشوف اخوانه واهله قدامه بس تعالي عاد لما يبغي يستخف دمه !!!!
روحي له وهدي الامور ومب شرط تعتذرين سلوكك اكبر اتعذار واكبر مبادره يمكن انتي عليك ضغط كثير بس ريحي نفسك ورتبي امورك ولا تزيدين نفسك ضغط صدقيني هو يحبك وبيحس فيك بس كل شي باسلوب وله وقت سوي له عشا وحلى ولبسي وكشخي وعلى طوووووووووووووووووول امي بنفسك بحضنه لو صدك قولي له ادري فيك تموت فيني وادري بنفسي ماقدر اصبر عنك
وكلميه بجلسه هاديه وقولي له طاري روحه لبيت اهلي انساه واصلا انا مابخليك وبروح هذا باحلامك بس هالكلمه تجرحني وتحسسني انك ماتحبني وبايعني واتفقي انتي وياه مايعود يقولك هالكلمه ولا انتي تقولين له كلمه تضايقه
الله يسخره لك ويجعلك احلى وحده بعيونه
حبيبتي انتي تقولين بيبي ودراسه وبيت وقعدتي على السرير مع اوراقك لما وصل طيب كان لما كلمتيه قلتي له كم كلمتين حلوين ولمحتي له انك بتسوين له مفاجاه لان الرجا ل مب مثل الحرمه تفهم بالنظره لا الرجال عملي يعني يفهم لما تقولين له !! وتلمحين له عرفتي !!! كل ازواجنا كذا ويمكن البعض اكثر من زوجك بس مايصير تقولين له انت مب رجال تراها كلمه مب سهله وبعدين راح مكتبه وقعد طوووووووول هالوقت ماحاولتي تروحين له ولا حتى ترسلين له مسج مثير يثيره ويخليه يجيك ركض
ياعمري كل رجال له مفتاح واسلوب بس كل الرجال عمليين روحي له تلصقي فيه قولي له مسويه لك مفاجاه حلوه وبعدين لو ما عطاك وجه لك حق تزعلين ولا تقولين ماينفع معاه ولا يفهم بالرومنسيه ترا كل الرجال الا من رحم ربي مايعرفون شو يعني رومنسيه دورنا كزوجات نعلمهم ونخليهم يسوون اللي نبغيه بدون مايحسون مب يقولون زوجك على ماتعوديه !!!
حبيبتي تعليقات الازواج واااااااااااااايد لو اقولك شو يعلق علي زوجي كان متي من الظحك وكسرت خاطرك بس هم كذا كل ابو الدفاشه فيهم !!! مع ان زوجي يممموووووووووووووووووووووووووووووووووووووووووووووووت فيني وما امدح لك نفسي يعرف ومتأكد ميه بالميه ان ماراح يلقى مثلي لا بالجمال ولا بالسنع ولا الذوق ولا الطبخ ويشوف اخوانه واهله قدامه بس تعالي عاد لما يبغي يستخف دمه !!!!
روحي له وهدي الامور ومب شرط تعتذرين سلوكك اكبر اتعذار واكبر مبادره يمكن انتي عليك ضغط كثير بس ريحي نفسك ورتبي امورك ولا تزيدين نفسك ضغط صدقيني هو يحبك وبيحس فيك بس كل شي باسلوب وله وقت سوي له عشا وحلى ولبسي وكشخي وعلى طوووووووووووووووووول امي بنفسك بحضنه لو صدك قولي له ادري فيك تموت فيني وادري بنفسي ماقدر اصبر عنك
وكلميه بجلسه هاديه وقولي له طاري روحه لبيت اهلي انساه واصلا انا مابخليك وبروح هذا باحلامك بس هالكلمه تجرحني وتحسسني انك ماتحبني وبايعني واتفقي انتي وياه مايعود يقولك هالكلمه ولا انتي تقولين له كلمه تضايقه
الله يسخره لك ويجعلك احلى وحده بعيونه
الصفحة الأخيرة
معرووووف اول سنه كل واااحد من الزووجين يكوون لابس قنااااع عقب هالسنه تنكشف الاقنعه وكل واحد يطلع على حقيقته
وعلى طاارري التطنز طنشي ماااعليك منه وخليك واااثقه من نفسك وانتبهي اذا تهااوشتوو ترداينه لان الرجال مايحب الزووجه ترااده
الله يصخره لك ويحنن قلبه عليك