مو شرط

انا بالشرقيه و عندنا زواره

تختلف العادات لكن منبتها واحد

الصباحيه اهلك بيسوونها بس نصيحه خلوها ليل لأن الغدا عذاب ولا احد بيجي عشان عقب سهرة العرس الكل تعبان

الزواره اهل زوجك يسوونها ((احنا نشوفها مهمه)) بعد ما تردين من شهر العسل

الشبكه اهل زوجك يجيبون شبكتك و تسوون لهم انتوا عشا وتعزمون حبايبكم و عادة نطاقها يكون عائلي وبالكثير دي جي


الملكه في بنات يحبونها كبيره .. على راحتك يعني بس هو يدخل و يلبسك الشبكه اللي اهله جابوها مسبقا .. و هذي فيها زفه صغيره و تدخلين عليه بشويش وحركات يعني وفي بنات يسووها بالبيت و بنات بقصر افراح

الملبس بالشبكه والملكه كله عليكم حبيبتي .. يعني الناس جايين بيتكم و ما تضيفونهم مثلا؟؟

العرس اذا عليه هو فحتى الضيافه بتصير منه
اما لو عليكم بتصير الضيافه منك

طبعا الأصول ان الولد يشيل العرس كله للحريم والرجال

بس الحين و كنوع من التعاون مع ظروف الشباب صاروا اهل البنات يسوون الفرح الخاص بالنساء
اما ((الطيب)) وهو عرس الرجال يسويه الرجال مهما كانت الظروف .. مستحيل ابوك يسويه .. تصير عيبه بحق زوجك

نرجع لعرس الحريم انتوا لازم يكون بينكم اتفاق
ان شفتوهم ما فتحوا الموضوع معناها انتوا اللي بتسوون العرس
لو لهم نيه يشيلونه بيقولون لكم طبعا

يعنى ايه الملبس ؟فستان العروسه مافهمت

الف مبروك

والله يوفقك ا

الله يارب ياكريم تسعد كل من رد عليه

وتجزيهم خير وتفرج عنهم وتسعد قلوبهم يارب يا كريم

ومشكوريين والله احس اني فهمت اكثر من اول ما كنت عارفة شي

ةاللي فهمت ان في اختلاف من عايلة لعايلة



الله يوفقكم ومشكورين أوي اوي


اختي الكريمة قرشيه

الملبس هو الهدايا اللي يوزعوها في المناسبات سواء الفرح او الملكة او السابع
واللي هي تجي حلاوة مغلفة وملبسه باي شي ومعاها هدية كذكرى للزواج ويكتبو عليها اسم العروسين


وسلامتك يا الغلا

انا قصيميه

الزواج عندنا يكون على اهل العروسه

والزواره هي عزيمه يصلحونها اهل العريس بعد مايرجعون من شهر العسل

اما الصباحيه مو موجوده عندنا عاده قديمه وانتهت من زماااااااان

يمكن بعض العوائل مازالت عندهم

بس الأغلب لا