بصراحه حركه بايخه وقديمه ... انا اكتب والعبره تذبحني .. على قولة (سعوديه موت) .. قلبتي علينا المواجع .. انا الى الان ما ولدت بس عارفه الاسم وش راح يكون :( ..!! حتى مع انا عرفنا جنس المولود ما تناقشنا في الاسم ... هو عارف ردة فعلي .. وانا عارفه رده ... هو مصر وانا رافضه ... عشان كذا سكتنا عن موضوع الاسم الى ما يجي ...!!

والله حرام .. اول فرحتنا .. وتحمل فيه الام وتتعب فيه .. غير ولادتها اللي تشوف الموت فيها ... وأخرتها ينتسمى اسم لا تبيه الام ولا تحبه ... فقط ارضاءً للجد أو مجامله له وللناس (لا يقولون ما سمى على أبوه) ..!!!

المشكله اخوه الاكبر سمى على ابوه خلاص .. وابوه واخوه يقولون خلاص يكفي لا تسمى علينا !! ... مع ذلك هو مصر على الاسم ... والله لو كان مما عبد وحمد كان عادي !!

معليش سردت عليكم قصة حياتي ... بس وش اسوي من حر ما فيني ..





















تبون الصراحه !!! ... احياناً احط نفسي في مكان الجد .. واحس انه بيموت من الفرحه لو كل عياله سموا عليه ... في هالحاله .. استسلم على مضض .. واقول الشكوى على الله !!!

لا أؤيد افضل انني انا اللي اسمي اولادي برغبتي
يعني بعد الحمل والوحم وتعب الولاده والنفاس يسمي ولدي غصب عني اسم ماعجبني والله قهر
والمشكله انا للحين ماحملت وام زوجي مقرره ان الولد بيتسمى على ابو زوجي والمشكله ماعجبني الاسم وهو متوفي الله يرحمه من زمان يعني لو كان حي قلت نفرحه ..لكن لان زوجي اللي سمته جدته ام ابوه ..وام زوجي بتعيد الحركه على حسابي الله يرزقني الذريه ويسمون اللي يبون

بصراحه شيء ماله داعي ولا اييد اللي يسمي بالام او الاب سواء هلي ولا هله

اشوفها حركات زمان


مدري هذا راييئ

اسم ساره من الاسماء القديمه بس مره حلو


وعبد الملك هذا الاسم مره يعجبني بس كل مااقول لاحد ابغى اسمي عبد الملك يقولي لا ايش عاجبك بهذا الاسم في اسامي احلى

ودحين زوجي يقولي ان شاء الله راح نسمي على اسم ابوه:arb: والحمد لله اسم ابوه حلو (عمر)


والله يتمملنا على خير يارب

أنا صراحة ما أحب اتقيد بالاسامي وأحب اسمي الاسامي اللي تعجبني واكون مقتنعة فيها