الله يجزى كل وحده ردت خير ويسخر ازواجكم لكم
اللي قالت احتسبي انا دايم اختصر المشاكل واسوي اللي يبيه واقول طاعه لزوجي لكن الحين احس ماينفع لانه صار كل شي علي وانا مايبيني اتكلم علشان من البدايه كنت امشي الوضع وارضى بالظلم والحين العشر ودي اتعبد والتفت لربي وهم اشغلوني مثل العاده عشان كذا ودي بحل جذري يفك الازمه مره وحده لان حتى باليام العاديه نفس الوضع يعني القصه ماهي قصة شهر القصة قصة حياة وسنين تضيع من عمري وانا احس بالظلم ورجلي مو بصفي

شوفي عندي حل وسط يمكن يعجبك ويمكن ينفع مع زوجك وهذا من واقع تجربة لوحدة اعرفها ,,لكن قبل تبدأين بهالطريقة قولي لزوجك اذا احنا نبي الاجر فالاجر في فكة الريق بتمر وهذا احوج به العمال والمساكين , وبعدين اذا هم مستغلينك خلي يزوجك يشارك في همك مثلا عندك عزيمة وتعبتي وضحي له انك هلكانه واطلبي منه يمسك الاولاد ويطلعهم صدقيني بيزهق اذا كل عزيمة راح يعمل حساب مايرتبط مع زملائه علشان يمسك عنك الاطفال بيطفش وان جلس بالبيت اعطيه يغسل الفاكهة او يقطع بعض الخضار او ناديه للمطبخ شي خرب او اطلبي شغالة باليومية لاتسوين فيها نشيطة وسنعة لان هالامر ماراح يكلفه وبعد العزيمة ياحبيبتي مو تروحين تقابلينه وتتبوسمين له ,, والله العظيم وحدة اعرفها كان زوجها مشرع بابه كل يوم عشاء الحين وبعد كم سنة والله مايعزم لين يشاورها هذا اذا عزم مرة كل 6 شهور!!!! كانت لما يقولها فيه عزيمة تتظاهر انها طار عنها النوم وانا مزعوجة وتكثر طلبات حتى قدور وملاعق وكاسات تقول ذاك احترق ولا تعفط ولاانكسر احس بأرهاق مادي وزوجته تنعفس نفسيتها بدون ما توضح له مباشرة لكنها توحي له واحيانا والله لو ينغزها ظهرها سوتها سااااااااااااااالفة ونامت على الفراش يومين.. حاولي تستخدمين الايحاء مو لازم نفس اللي هي سوت لكن نفس الطريقة وانتي ادرى ايش اللي يرهقها وينفع معاه.

احتسبي الاجر...

قوليله انك مرهقه ومافيها شي اذا ساعدوك!

يعني اطلبي اكل من برى على سبيل التغيير !!

واطلبي من كل وحده جايه تجيب معاها طبق تذوقكم طباخها !

الله يسهل امورك ويكون في عونك

نصيحه لوجه الله سوى العشاء ورضي
ترى انتى الكسبانه من باب افطار صائم ولعشان تتجنبين المشاكل مع زوجك
وبأذن الله راح يكون في عونك على عمل الخير
وصدقيني لوانا ساكنه جنبك لساعدك بكل العشاء وماخليك تسوين شي لعشان متتهاوشين مع ابو الشباب
الله يعطيك العافيه