بنات حواء تكفون تفائلوا ... !!!!

أولا السلاام عليكم .. حبيبت أفضفض بما أني فاضيه فتحت كم موضوع  ضيق خلقي وأخر موضوع قريته خلاني أتحمس أكتب الموضوع وهو عن بنوته كتبت أن أمنيتها تسوي بيت كبير تحط فيه كل بنت مطلقه أو مظلومه أو زوجها طاردها أنا أحترم أمنيتها والله يحقق لها كل ما تتمنى بس بنات لااتاثرون بحياه غيركم يعني شفتي وحده حياتها مبهذله خفتي أنك تكوني مثلها بنات ليه هالتشاؤم .. هالمنتدى حسسني بعد ماقريته أنه الرجل هو اللي با أمكانه يعزك أويذلك وكانه هو من يكتب قدرك أستغفر الله  بنات ترى الرجال بشر .. ليه السلبيه .. ياقلبي تبي زوج طيب أدعي الله تبي مال أدعي ربك تبي حياه طيبه أدعي ربك ليه تحسون أنكم ذليلاات وأنه الرجال هو من يحكمك وأنك تخافي من بكره تتبهذلي وزوجك يطردك والتفكير السلبي ذا وين حسن الظن بالله وش بقيتم للكفار ليه كذا .. ترى الله مايضيع أحد .. تفائلو بالله شوفو سوريا أش صائر فيها واتحمدو ربكم شوفو الجوانب المشرقه بحياتكم وأحمدو الله وقبل انا ماقلت لااتفضفضو بس قببل لاتفضفضي أدعي ربك .. واتركو الحسد أذا شفتي اللي افضل منك أذكري الله وأدعي لها بالبركه .. ترى الهموم والمصائب ماتجينا الا بذنوبنا .. ادعي أستغفري اتركو التشاؤم شوفو الجوانب المشرقه وحطوها ببالكم الدنيا ماكملت لاحد ابدا بس لا تتخيلي انه بكره بتنطردي ومابيصير لك أحد واش ذا التفكير حتى الشهاده والدراسه صارت الوحده تدرس عشان تخاف من بكره تصير بالشارع واش ذا التفكير أدرسي وخذي شهاده عشان بكره يفتحرو فيك عيالك فكري تفكير زين اللي حفظك اليوم بيحفظك بكره والله أشوف صور أطفال سوريا بالتويتر رغم الحروب ورغم كل حاجه فيه صور لهم هم يبتسمو وهم أطفال وحنا لااتعليق بجنبهم وين التفاؤل وين حين الظن بالله ودك بشئ ودك بحياه ومستقبل جميل وزوج طيب ومسخر لك  روحي أدعي ربي وخلي الوسوسه اخاف مايستجاب لي ومدري شنو  ترى الله مايخخيب ظن أحد ابدا وادإو الله وانتم موقنون بالاجابه  والله ماتجيني الضيقه الا من مواضيع هالمنتدى احمدو على ما أنتم عليه من نعم ...وصدقوني مع كثره الشكر راح تشوفو الدنيا بشكل أحلى وربي بيزيد لكمم من فضله لااه قال .. ولئن شكرتم لازيدنكم .. أتمنى فهمتم كلامي زين .. وأنكم مافهمتوني غلط .. خلاصه الموضوع تفائلو وأتركوا التشاؤم ترى التشاؤم فيه أثم .. حبيت أفضفض وأقول اللي بخاطري لاني شفت المنتدى أمتلئ شكاوي وتشاؤم .. فحبيت أكتب هالموضوع والله يوفقكم جميعا ويحقق جميع أحلاامكم ويفرج همومكم ويرزقنا حسن  الظن به اللهم أمين .. وصل اللهم وسلم على نبينا محمد عليه أفضل الصلااه والتسليم