بنات حواء ضروري تتطلعوا عليه-حكايتي المؤلمه-

السلام عليكم ورحمة الله وبركاته
كل عام وانتم بخير
بكتب بسرعه لاني داخله من جوال ماعندي جهاز حاليا
حكايتي مو مبالغه او حساسيه اوخياليه حكايتي نطق بها قلبي قبل لساني ودمعتي قبل احرفي
انا اسمي -ع- عمري 26 يتيمه لاحياه مثل الناس لا عائله مثل الناس لا غنا مثل الناس لا زوج مثل الناس لا شغل مثل الناس لامعامله مثل الناس هذا لاني يتيمه

انا قصتي بدت وانا بعمر 10 سنوات ابوي مات كان مدللني كنت المميزه عنده كان يقول انتي دوم رافعه راسي انتي وانتي وانتي وخسرت كلمة يابنتي بس مات وليتني لحقته بقبره وماشفت البهاديل بعده ,امي اش اقول عنها طيبه وعلى نياتها هي كانت يتيمه وتمرمطت كثير
العائله : مافي طلعات واجتماعات وسهرات يعني مانختلط ونتعرف على الناس وانا بنت شابه احب اشوف البنات اللي قدي احب سوالفهن بس للاسف طلعاتنا شبه عاااااااامه وخااااصه يعني عرس قرايب

الغنى: ارحم امي ماحب اضغط عليها اخواتي الكبار ثلاث موضفات رواتبهن عاليه وكلن اللهم نفسي ((يعطفن على بعض ومايعطفون علي)) انا وان جابو حاجه لي تلحقها منه وااااه من المنه توجعني حييييييييييييييييييييييييييييل الله لايذوقكم اياها لحد البارح عجبني شي بمحل واشتروا بالطلعه حق 4000 وانا اقسم طلبت شغله ب100 ريال بس ورفضن ولما جو البيت كانوا بغرفة النوم يقيسوا جلسوا يضحكوا علي ويخبرون حريم اخواني ان نفسي بالشغله موت واني رايحه جايه عليها واترجاهن ياخذوها وهن رفضن ويضضضضضحكن لحد مانقدت عليهن مرت اخويا وقالت انا هجيبها لك قلت لا الله يخليلكي امي بتجيبها لي ويجلسن يتمسخرن يقولن اوكي خلي امك تجيبها لك بكره تجيبها لك من سوق ..... حق بسطات طبعا وعملت نفسي بنام وتغطيت وكنت ادعي بالفرج وابكي /دقيقه ماشوف بمسح دموعي



الزواج : كل صديقاتي وقريباتي تزوجوا احسن زواجه وجابو اطفال وانا زي مانا يجوني خطاب اخلاقهم سيئه جدا" لارحت لسوق اشوف اثنين سوا اذكر ربي وادعي لهم بالسعاده واقول هل من الممكن يجي يوم امشي مع زوجي كذا وحولي اطفالي؟ومالقى اجابه واطلق تنهيته وارتاح ,نظرات الناس تاكلني ماتزوجتي؟مافي جديد؟ورينا يدك _يقصدون الدبله _

عاطله: كديت وكرفت ليل مع نهار رغم ضروفي الصعبه جبت شهاده بتقدير كويس ولاتوضفت لي كم سنه اعاني ماتتخيلون والله والله كنت مانام ولااضيع وقت عشان اقراء واتوضف واغني نفسي وامي بس العكس جلست عاله عليها لاشغل ولا رجل :( والبنات اللي غشوا واللي صاعوا واللي تقاديرهم نازله توضفوا بالدفعات اللي فاتت بعض احيان اقول ليتني مادرست من اصله كان وفرت لامي المصاريف


المعامله:ماقدر اقول غير افعل خير تحصل شر :(


تعبت يابنات ماني قادره انام ابكي على حظي ودي اتزوج واتوضف واعيش مثل الاوادم استقرار نفسي وجسدي انا كويسه مع ربي الحمد لله يابنات والله الاب سند صعب ولا سهل كبير ولا صغير تكفون اوصيكن ببرهم الله لايحرمكم منهم ويرحم موتانا يارب

مابي تكتبن دعوه وتطلعين ماني طماعه بالردود لا ياختي انا اطمع ابيها من قلبك تطلع وكاني اختك بنتك اقرب الناس لك اقسم بالله اكتب جملتي هذي وابكي مو لاقيه احد اشكي له يارب الشكوى لك


مع السلامه