السلام عليكم ورحمة الله وبركاته
اخواتي بنات عالم حواء ....
ارجو من كل وحده تقول رايه بكل صدق وامانه وذمه وتضع نفسه بمكاني قبل كل شي
قصتي ياخوات
انا انخطبت عام 1431بشهر8 ام الولد كلمت الولده وقالت ابخطب بنتك لولدي (( تقصدني انا ))
فقالت امي له انا من عندي موافقه بس اهم شي ابخذ راي بنتي واخوانها الكبار بس مارح افتح الموضوع معهم لين ولدك يتوظف لانى ولده لسى متخرج وينتظر التعيين وقالت خلاص ان شاءالله
وجلسنا تقريبا كل الفتره واحنا ساكتين وهم كذلك ع الاتفاق لين ولدهم يتوظف ويتقدمون رسمي ويسمعون الرد مني انا واخواني لا نى حتى اخواني ماعرفو بالموضوع ابدا لانه كلام حريم ماوصل الرجال
بس هم الله يجزهم خير خلال هالفتره
انشرو الخبر حنا خطبنا بنت ال فلان لولدنا ووافق واحنا بالاساس ماردين عليهم وهم ماتقدمو بشكل رسمي بس حنا قلن برحتهم اذ جاء وقت الجد نعرف نرد بنعم اولا
وبشهر 5 -1432توظف ولدهم ولا تم شي ابدا يعنى الرجال ماكلمو الرجال ولا شي
وخلال الفتره تقدم لنا انا وخواتي كذا شخص قالو اللي ترض من اي بنت حنا موافقين بس الولده تاخذ راي خواتي وانا لا لانه دائما تقول انا خلاص اعطيت الناس كلمه مو زين قلب النيه
وبشهر 7 طلعت اخبار انهم يخطبون بنت عمي لولدهم ويقولن خوات الولد يقولن مانبي بنتهم لانه حاره وعصبيه بصراحه الولده تضايقت تقول ليش هالكلام يخطبون منا ونفوت كذا شخص عشان كلمتنا معهم وبعد انشرو الخبر بين الناس انهم خطبو وحنا موافقين الناس وش راح تقول اكيد بيقولون البنت فيه شي ولا ماتراجعو عنه (( بصراحه الناس اللي نعرفهم ماعرفو وش السبب انهم تركونا وخطبو بنت عمي يحسبون حنا رافضن ))
حنا بصراحه سكتنا ولا قلن لهم شي ولا نقاشن احد ولا تكلمنا معهم باي شي
وسمعنا ان بنت عمي رفضت ولدهم لانه اصغر منه وبعده بايام جت ام الولد عندنا بالبيت ورجعت وفتحت الموضوع مع الولده بس الولده قالت صح اول اعطيتك وانا ما اخذت راي البنت واخوانها وولدك ماكان موظف ويوم توظف ولدك غيرتو رايكم اليوم انا رافضه ولا تفتحين الموضوع معي مره ثانيه مالكم نصيب عندنا
وقعدت تحلف بالله وتقسم بالله انه هي وولده مالهم رغبه ببنت عمي بس ابوهم رافض يخطبون مننا لانه مع خلاف مع اخوي من والدي وقال اخطبو بنت عمهم او احنا ولدي مالن خاطر فيه انا ولدي
حنا نبي بنتك المهم امي قالت لا وخلاص
بس بايام العيد جاء ولدهم اللي خطبني لخوي الكبير شقيقي يطلبه يقول انا ابي اختك فقال اخوي انا مالي راي الراي عند اخواني الكبار 0( يقصد اخواني من والداي رحمه الله المسؤلين عنا )) وراح اخوه الكبير كلم اخواني الكبار وقالو الراي الاخير عند الحريم
وبعده بايام جت اخته للبيت تتعذر لي مخصوص تقول انا اللي قلت عنك حاره وعصبيه ونا اليوم جت مخصوص لك اعتذر عن غلطتي طلبتك سامحني ماكنت اقصد وماراح اطلع من بيتكم الامسامحتني
وحنا والله مانبي بنت عمك بس ابوي هو اللي غصبنا عليه واخوي مايبي الاانتي وقال ان ماتزوجته ماراح اتزوج احد غيره وقالو الكلام للكل الناس هذا هو الحق
وامهم دائما تجي تطلب الوالده توافق
بصراحه هو متوظف مدرس واخلاق
وانا متردده ماني عارفه ايش اقرر
((مع العلم ان ابوهم كان رافضني انا لاسباب متعلقه مع اخوي من والدي ومشاكل بينهم خاااصه وللعلم اخوي من ابي يقرب للابوالولدولكن آلآن الاب وافق بعد ماشاف اصرارالام ولدها انهم يبوني
وقال لهم خلالالاص اخطبوها
وايضا للمعلوميه اخوه اللي اصغرمنه خطب وملك وزواج يبونه مع بعض
وشرررررررررررررايكم يابناااااااااااااااات
فاقده ابوه @fakdh_aboh
عضوة جديدة
يلزم عليك تسجيل الدخول أولًا لكتابة تعليق.
اللـٍْْ♡̷̴̬̩̃̊ـٍْْ?َِِّْ يختار لكـ االنصيب الطيب اختى استخيري و اللـٍْْ♡̷̴̬̩̃̊ـٍْْ?َِِّْ يكتب لكـ اما فی? الخيره لكـ
والله شارينك حتى لو انهم قلبوا نيتهم اخرتها تفشلوا ورجعوا لك لانهم ببساطه مالقوا افضل منك
واخته اكبرت حركتها ماشاء الله عليها قليل بها الزمن الاعتراف بالخطا
الا اقبلي بعد الاستخاره وتطييب خاطر امك ومراضاتها منهم
وربي يوفقك
لكن دام فيه مشاكل عائليه بينكم وان كانت ما تتعلق فيك باخوك الكبير
خلك حريصه معهم ورسميه مو ثقيله وسلبيه لا بس الركاده زين ولاتقطين الموانه معهم
وربي يسخره لك ويختار لك الخير وين ماكان
دمتم بود
واخته اكبرت حركتها ماشاء الله عليها قليل بها الزمن الاعتراف بالخطا
الا اقبلي بعد الاستخاره وتطييب خاطر امك ومراضاتها منهم
وربي يوفقك
لكن دام فيه مشاكل عائليه بينكم وان كانت ما تتعلق فيك باخوك الكبير
خلك حريصه معهم ورسميه مو ثقيله وسلبيه لا بس الركاده زين ولاتقطين الموانه معهم
وربي يسخره لك ويختار لك الخير وين ماكان
دمتم بود
الصفحة الأخيرة
الرجال شاريك وهو من نصيبك من البدايه
ليه حبه ترفسين النعمه برجليك
بصراحه موقف اهل زوجك
يدل على صدق رغبتهم في الارتباط فيكم