كم طولك حنين قطر ؟
ابدي خففي وخاصة الاشياء الي تسمنك اكيد عارفتها ابعدي عنها خليها مره بالاسبوع وشوي بعد مو كثير

وانصحك بالمشي السريع لو نص ساعه يوميا

ياهلا حنين قطر00
اعتبرينا خواتك موصديقاتك والله يصبرك انشاءالله0
هذا كله بضعف الارادة اللي عندنا ياوخيتي صدقيني من ضعف الارادة لو نقول ولا نسوي مهما نتعب خلينا نقوي ارادتنا وشوفي شلون نمشي على الطريق اللي نبيه وبسرعة نوصل للي نبي هذا هو الكلام الصحيح0000000مهما قالوا والله ينزل وزنك وانت بصحة وعافية

والله يا أختي أنا كنت مثلك وزني 84 كرهت حياتي دعيت ربي أن يثبتني برغم أني ولا في عمري فكرت أسوي رجيم أو تخفيف والحمد لله الآن ما شاء الله 69 أهم شئ الهدف الوصول اليه وحطي زوجك المحترم أمامك وأنك لازم ترجعين الى عهدك السابقه وترى مسأله سهله وبيدك الحل وتوكلي على الله وستخيري للرجيم المناسب ثم الدعاء والتوكل بيقين بأن الله سوف يستجيب
والله يوفقك بما يحبه ويرضى

اختي فوفيتا : شاكره مرورج ، بس مابي آكل حبوب حتى لو من الطبيب ..صعب علي التزم بالمشي لأن عندي بنت صغيره ..

المتغليه : طولي 159 ، يعني بالراحه يبيلي انزل 15 كيلو :( ، بديت وخففت يومين ، وحسيت براحه ، بس رجعت آكل :( مادري ليش نفسيتي تتعب .. والله اني حاولت ..

ارجوا رحمة ربي : هلا حبيبتي ، والله اعتبركم خوات ، والله يجبر بخاطركم ، لو اني مب مرتاحة لكم ماشكيت في المنتدى .. كلامج صحيح ، ضعف الإراده .. ومن كم يوم خوات زوجي قالولي ضعفتي ، مع ان وزني ثابت ، بس ويهي وايد ضعف .. ويقولون لازم تمر 6شهور على الولاده عشان الجسم يبدأ يرجع ، بس اخاف امتن زياده لأن الشهيه مفتوحه ..
بحاول والله كريم ..

نور السنا : هلاعمري . عاد زوجي هو السبب ، لأن احنا مانتغدى ، ولما يجي العشا ناكل لأن نكون جوعانين ، اقوله خلنا نخفف العشى تره هو الي يمتن ، بس مايساعدني :( وهذاك اليوم يقولي بس يبيلج شوي تضعفين ، آحس يجامل ، مع ان يبيلي وايد ، وصج انا وزني فوق الثمانين بس الي يشوفني يعطيني اقل ، لأن لي خصر .. الحمدلله ..
انا بدعي ربي ، وان شاءالله القى الحل واضعف :(