PINK DREAM الله يعيني ويعينك ويصبرنا

منال 111 مشكوره حبيبتي واكيد بجرب الخلطه

عزيزتي انا شعري ولله الحمد ناعم جدا بس لقافه قبل كم سنه سويت بيرم فاشل وصار شعري مايتسرح ابدا ومشبك ومتعقد وقتها مانفع لازيت ولا كريم
والله والله يالغاليه وعن تحربه مالك الا المايونيز والزبده ولا تقولين ريحه هو في ريحه بس والله مو قويه مره ومع العود تروح
كنت في الاسبوع اسوي مره مايونيز ومره زبده المايونيز يرطب الشعر وينعمه والزبده تخلي فيه لمعه مو طبيعيه تجنن
شي سهل ومتوفر وسريع
واتمنى تستفيدين انشاء الله

هلا حبيبتي اول شي الشامبو والكندشنر والمنعم بعد الاستحمام ماركت لوريال البرتقالي النتيجه تبان من ثالث اسبوع + حمام زيت الحيه او الفاشكول بالثوم مره في الاسبوع + زيت اللوز الحلو +زيت الصبار مع اضافت بيضه . واذا بتستخدمين الحنه حطي مع خلطت الحنا بيض + روب ولا تنسين اول اسبوع ماشي سشوار حولي بس سبوع بدونه واهم شي انك ترضين فيه وصدقيني بتحسن لا تنسين تخذين حبوب الخميره مدت 3 اشهر .

واي سوال حاضره لا تنسن تدعي لي ..................

الله يوفقكم جميعكم ويرزقكم الجنه يااارب ومعلوماتكم هذي بحفظها وبستفيد منها ومشكورين

:)


السلام عليكم ورحمة الله وبركاته


مرحبا أحبتي في الله

والله ان المسأله لسهله

واني شخصيا مجربه وجربتها على اختي ووصفتها لمن تشكوا مثل شكواكم

سبحان الله

اتركو عنكم الأشياء الغير الطبيعيه سبحان الله


فقط فكروا بخلقه الانسان انه مخلوق من طين اي ان الانسان لا ينفع مع الا الطبيعه سبحان الله


الحين نبته تسقينها بتروكيماوي وش بيصير فيها ؟ تعيش.؟؟؟؟ أكيد بتموت

زين

طبعا النظافه شي اساسي لا بد منه

الحين هذه الوصفه اللي هي سر من اساري ولا اطلعها الا للضروره القصوى

صراحه انا كنت ماره شفت الموضوع ف حز في خاطري اني مافيدك تخيلت نفسي محلك

قلت لازم اقولها وان شاء الله رب العالمين يسهل كل شي

أول شي تقبلي خلقتك باللي خلقها رب العالمين تراها خيره لك :) قولي الحمد لله

والوصفه هي :

بياله زيت زيتون + بياله عسل طبيعي 100% + ملعقه صغيره خل .

خذيهم وفوحيهم على النار لما يصير الخليط دافئ


شوفي شلون كتبتها بخط كبير؟؟؟


زين


الحين خذي الخلطه وخلطيها وفرقي شعرك وحطيها على الشعر كااااااااااااامل


بيصير شعرك مجبس بس راح يتغذى على الطبيعه ....

غطيه من 3 ساعات الى 9 ساعات وبعدها غسلي وشوفي النتيجه

وقولي مريم قالت

اللي بيصير معاك ان شعرك راح يتساقط منه الشعر الميت وراح يتحول من كشه الى هابط معتدل وتكون فيه لمعه بعد


ليش؟؟؟؟؟؟؟؟؟؟


العسل مغذي والزيت للمعه والخل لفرد الشعر

بس حذاري


تزيدين او تنقصين في الكميه حتى في استخدام الخل لا يحترق شعرك ويتكسر


واستخدمي الوصفه في كل شهر مره أقل شي



تراني قلت لكم وحذرتكم والباقي عليكم


والله يوفقكم وجربوها وخبروني بالنتيجه


موفقين ان شاء الله