بنات حواء هلموا للضرورة .. شي غريب وعجيب على قناة AMUSICANA TV

السلام عليكم
أخباركن يابنات حواء عساكن إلا بخير

المهم أدخل بالموضوع على طول .. الله يسلمكم من كمن يوم إتصلت بي ربيعتي وقالت في قناة جديدة إسمها AMUSICANA TV
تعرض برنامج يسمى كنوز .. طبعا بتلقين على أعلى يسار الشاشة مكتوب كنوز بالعربي
المهم هذا البرنامج يبدأ من الصبح الساعه 11 بتوقيت الإمارات يجيبون حريم أول حرمه إسمها أم وائل مصرية تحل كل مشاكلج من المرض والزواج والحياة وكل شي يخطر في بالج .. وطبعا أم وائل معاها كواب ضخم زجاجي فيه ماء وتقرأ عليه وتقولج عن كل شي يتعلق فيج .. وتعطيج آيات قرآنية تقرينها كل يوم عشان المشاكل اللي تخصج . ولازم تقولين لها إسمج وإسم الأم والعمر... خلصنا من أم وائل

نروح عند الحرمه الثانية إسمها رابحه .. وهذي إختصاصها بالودع ماأدري الوداع ...ونفس الشي تشوفين كل مشاكلج من كل النواحي بس ماتعطيج لا علاج ولا شياته بس تقولج جذا وجذا .. ولازم تقولين لها إسمج وإسم الأم والعمر

نروح عند الحرمة الثالثة وهي أم سلطان .. عاد أم سلطان قوية جدا .. تقولج مشاكلج وتفك عنج السحر أو الكتبه بالبيت عن طريق الدعاء والقرآن .. على فكره أم سلطان تقولين ليها الإسم وإسم الأم والعمر ورقم الحظ

طبعا هذيلا الثلاثة كلهم متحجبات ودائما على لسانهم ذكر الله

لكن في الحرمة الرابعة هذي مسيحية وعن طريق الورقحتى ماتشتهين إتابعينا
المهم بعد الحرمه يجيبون رجاال ( ريال ) هذا الرجل الله يسلمك خبير بالأعشاب يخبركم عن كل عشبة وفوايدها

المهم ماعلينا من هذا كله الأهم
هل اللي يسونه هذيلا الحريم حلال أم حرام .. هل هذا يعتبر نوع من التنجيم أم لا ؟؟
ياليت ياخواتي إتابعون البرنامج
يبدأ من الساعه 11 صباحا بتوقيت الإمارات
الإخت أم وائل من الساعه 11 صباحا حتى الساعه 1 ظهرا
الإخت رابحه من الساعه 1 ظهرا حتى الساعة 3 ظهرا
الإخت أم سلطان من الساعة 3 ظهرا حتى الساعة 5 عصرا
يوميا على هذي القناة .. طبعا باجي وراهم على طول يعني كل شخص مخصص له ساعتين بس
ياليت يابنات إتابعون القناة الناس عليهم كثير من السعودية والإمارات والعراق وقطر ومصر وكثير دول
يعني إتصالات كثيرة حتى الرجاجيل يتصلون بس أكثر شي الحريم ياليت تقولون لنا هل هذا شي محرم .. ولو محرم ليش قناة خاصة وجديدة تبث هذي الأشياء
لاتنسون القناة جديدة يعني لازم تسوون تحديث للرسيفر أوكي الغاليات
أنتظر رد منكم