بنات حواء وربي تعبت ربي يحرمكم عن النار ويحقق امانيكم ادخلو ادعولي

لييييييه ليه يايمه كذه لييييييه هذا وانتي الام القلب الكبير؟؟؟؟

--------------------------------------------------------------------------------



السلام ورحمة الله و بركاته

خواتي وحبيباتي بنات عالم حواء


انا اليوم جايه هنا اكتب معاناة لليوم هذه صارلها 23سنه

والله الذي لااله الاهو اني تعبت وكرهت عمري


جيت افضفض لكم واتكلم عسى منكم قلب رحيم يتذكرني بدعوة بسجوده

او منكن من لو اقسمت على الله لاابرها




انا بنت عمري قرب ال28سنه


مشكلتي بدت من يوم عمري 8سنوات

وعيت على اب مسافر وام لاهيه بشغلها وعملها برى البيت واحنا عايله على قد حالنا

ماكان عندنا شغاله
امي من دخلت المدرسه صارت تعلمني الشغل والتنضيف
الين صار البيت كله علي

ويوم صار عمري 9سنوات صارت تعلمني الطبخ الين مسكتني الطبخ والنفخ وشغل البيت كله


صارت تروح لشغلها وترجع واذا مالقت الشغل كله خالص ومسويه عشا ياويلي وياسواد ليلي

وربي يابنات ماني ضالمتها كنت اروح للمدرسه مواصله

وارجع والاقيها نايمه واذا جيت ادخل المطبخ والله بمريولي اصبخ الغدا

واذا الرز موضابط تجلدني جلد بسلك التليفون


على بال ما اطبخ واغسل وانضف يكون اذن العصر
تروح لشغلها

وانا ما اصدق انها تطلع من البيت اروح للمستودع انام

عشان اخوي مايشوفني نايمه ويعلمها لان اذا درت اني نمت تظربني
اخوي كان اكبر مني وكان اي شي اسويه يعلمها عنه

لو انام لو اناضر التلفزيون لو العب كل تحركاتي يسجلها لي



وانا بهذاك الوقت عمري9 سنوات

الين ولدت امي اول تؤام جلست شهر بالبيت وبعدين صارت تروح لشغلها

وانا الي مسكت مسؤلية اخواني المولودين


وزي ماقلت لكم كنت اجي من المدرسه يالله اطبخ الغدا وانضف واكنس واغير حفايض الله يكرمكم وارضع واغسل ملابس واكرف

وشي الحق عليه وشي لاء

ومن احط راسي على الارض انام وياخذني النوم

والله اني افز من النوم زي المجنونه عشان لاتجي وفي شي مومسويته

واكثر الاحيان ما اخلص شغلي اكون نمت بالمستودع او اني نمت بالمطبخ او احط رضاعه لااخواني وانا ارضعهم ياخذني النوم

وتجي وتلاقي الشغل مو مخلصته

تموتني من الضرب

والله انها تضربني ضرب وحشي

لدرجة انها تعضني تقطع جسمي من العض للحين اثار اسنانها في جسمي


حتى وقت الطلعه من المدرسه اشيل هم من الحصه الخامسه عشان باقي حصتين ونطلع للبيت

اشوف البنات فرحانات عشان بيطلعن وانا اقول في نفسي يارب ان تصدمني سياره وما ارجع للبيت

وامي لما ولدت توأم ثاني فصلتني من المدرسه وان لسه ثاني متوسط




مرت الايام وهذا حالي


كبرت وانا الي اربي واطبخ واغسل واكرف لليوم

تزوجت رجال اول ماجاني وافقت عليه عشان اطلع من جحيم امي وتعذيبها

لكن طلع رجال لايصلي ولايصوم
وفوق ذالك يمد يده علي على اتفه الاسباب ويسمع كلام امه حتى على الباطل
تقوله ماعليك منها لاتسمع كلامها وهذا كله عشان اقوله صلي وصوم


طلبت الطلاق ورجعت لجحيم امي

لكن رجعت امي اردى واقسى من اول

صارت ماتصرف علي
والله يبانات ان ملابسي من الصدقه الي يتصدقون علي فيها
قسم بالله ماعندي غير قميصين اغسل واحد والبس الثاني
وعلى هالموال طول السنه

الله يكرمكم مناديل صحيه ماتجيبلي قسم بالله اني اشحذ الريال والريالين من اخواني واجمعها عشان اشتريهن او اختي الي برى الديره اذا جت تجيبلي معها
احيان اكون صايمه واشيل لي فطور من الغدا الي اطبخه

الاقيها كابته بالزباله الله يكرمكم



اربع وعشرين ساعه مناقرتني على اتفه الاشياء لو اقول للواحد من اخواني عيب هذا غلط تقوم الدنيا وتقعدها على راسي
تتسبب علي بمشاكل من ولاشي مع ابوي ومع اخواني بس عشان بضربوني او يدعون علي


تدعي على دعاوي العدو وهو عدو مايدعيها على عدوه
تدعي على بالفضيحه
بالسرطان
تدعي علي اني ابقى شغاله لها ولزوجات عيالها
تدعي علي ان كل ماتزوجت ياخذني الرجال شهر ويرجعني مطلقه
تدعي علي دعوات يشيب منها الراس


حتى اخوي الصغير تقوله اذا كلمتك اتفل عليها واضربها بنعال الحمام الله يعزكم
غير الكلام الفاحش الي تقوله قدام اخواني علي


اخواني يشوفون معاملتها معنا ولا واحد يفتح فمه بكلمه

لان لو انكر عليها تصرفاتها تعاديه وياويل من تعاديه مصيره مصيري




والله الذي لااله الاهو اني التهبت عندي الزايده وانا عمري 11 سنه

جلست اسبوع كامل اتلوى من الالم واستفرغ ولااقدر اكل شي من اكل لقمه ارجعها واستفرغها

وتشوفني وتمر من يمي وانا اصيح وابكي ولاكنها تشوفني
الين ما انفجرت الزايده عندي ومن رحمة ربي اني مامت ((والله اني اليوم اتمنى لو اني مت وقتها وارتحت لكن ربي ما اراد لي))

ويوم ودتني للمستشفى بالسياره قبل لاندخل المستشفى تقولي طلعتي مع احد ((تقصد اني يمكن طلعت مع رجال واكون حامل))
وانا بهذاك الوقت مادري وش السالفه حتى الدوره الله يكرمكم ماجتني

لليوم سؤالها يرن باذني وهي تقرصني وتقولي طلعتي مع احد احد لمسك؟؟


آآآآآآآآآآآآآآآآآآآه يابنات كرهت عمري وكرهت امي



تخيلو اخواني محد يستجري يقعد معي او يتكلم معي حتى النت ماتخليني اجلس عليه والله اني اجلس بالسرقه

لما تطلع او تنام
واذا اخواني نايمين

حتى طلعات ماتخلينا نروح لحد ولاتاخذنا معها طبعا معاملتها بس معي ومع اختي اصغر مني بهذه القسوه بس انا اكثر

امي تكره البنات
وتعامل الاولاد عكسنا تماما لاتقولولي هذا الشيطان يلعب عليك

هي قالته لنا قالت لو الموت بيدي كان اخذت روحك وافتكيت منك




واذا جا احد يخطب منها تقول ماعندي بنات ولااحد يدري عنا
تخيلو احنا مانطلع ولا تاخذنا لاحد ولا يجينا احد ولانسافر ولانطلع
والله ان اغلب صديقاتها ماعلمتهن اني مطلقه للحين الناس تحسب اني متزوجه
واذا راحت لاحد وسالوها عنا قالت ابوهن مايخليهن يطلعن

لاهي الي تاركتنا بحالنا ولاهي الي تاركتنا نشوف نصيبنا


حابستنا ومعذبتنا عذاب كرهتها صرت اتحسب عليها


لاتقولولي هذه امك وهذه مدري ايش ادري انها امي واعرف بس ليش تسوي كذه مهما كان انا بنتها من لحمها ودمها

والام مهما قست حتى بقسوتها تحسين الحنيه



امي ماحسيت بحنيتها من وعيت على الدنيا

كانت تضربني وتربطنا بالحبل وتجلدني بسلك الكهرب

حتى بالغرفه حبستني يوم كامل لليوم اتذكره بعز الصيف لامويه ولا حتى اكل والغرفه مافيها مكيف
والله اني انادي اخوي الصغير اقوله عبي المويه بكيس وعطينيها من تحت الباب
اناما امدح نفسي انا اصوم واصلي
ومحافضه على اامور ديني
من صلاة وقيام وصيام

حتى اصوم يوم وافطر يوم وعلى هالحال صارلي سنتين

بس الي يحز بخاطري ان امي تقولي لاراح ينفعك صيامك ولاصلاتك دامي غضبانه عليك


والله تعبت والله اني كرهت الدنيا ماعاد لها طعم ولالون

لاعشت طفولتي مثل البنات ولاعشت مراهقتي مثل البنات وحتى لما تزوجت مالقيت الي يعوضني الي فقدته عند اهلي والحمدلله على كل حال راضيه بقضاء ربي وقدره

سامحوني كلامي ملخبط لكن والله اني كتبته بسرعه قبل لاتصحى امي وتشوفني ماسكة الابتوب



تكفون الي عندها كلام يريح قليبي المكسور تقوله والي بتدخل تزيد على جروحي الله يسعدها دنيا واخره تفكني من كلامها


تكفون الي تقرى الموضوع وماترد ترفعه عسى تشوفه صاحبة قلب رحيم وتدعيلي

ارجوكم والله اني اكتب ودموعي على خدي