بنات حواء وين رقتكم ودلعكم

بنات حواء اول شي كل عام وانتم بخير
ثاني شي الله يهديكم وش فيكم اذا الوحده كتبت موضوع تبي تفضفض وجالها شغل وقالت شوي واكمل تقومون عليها
ترى الناس ظروفها مو وحده يمكن هي عندها كمبيوتر مشترك مع احد وماتبي تكتبه بفايل وبعدين تنسخه لان الكتابه يبيلها وقت وتتقطع كم مره وماتبي احد يقراه من رواد البيت
وبعدين اذا بغيتوها تكمل قولولها بذوقك ياحبيبتي ياليتك تكتبين موضوعك بفايل وبعدين تنسخينه ....يعني الواحد جاي يفضفض وانتم تطاقونه واسلوبكم مره جااف
سبحان الله تجي الوحده تشتكي من جفاف زوجها وهي جافه مع الناس
ترى الكلمه الطيبه صدقه وكما تحبي الناس ان يعاملوك عامليهم
سبحان الله بعضكم بالاسلوب جافه تقولين رجال ومعه سووط لا تنسون ياحبايبي انكم قوارير عليكم بالنعومه والكلمه الحلوه الي تدخل القلب وتريح الخاطر
ومثل الله يهداكم مانتو تشتكون من فضاضه رجالكم ترا احنا تعبانين ونشتكي من فضاضتكم
والله ماجيتكم هنا الا ناصحه وابيكم تغيرون طريقتكم الي اكيد انها نفس طريقتك من ورى الكمبيوتر يعني اكيد عصبيه ومكشره والكلمه الحلوه مفارقه كلامكم
الا ابتسمي واتدلعي وانصحي بطريقه رقيقه وبالكلمه الطيبه لا تخلون الحياه ومشاكلها تنسيكم اصلكم الانثوي الرقيق