بنات حوا امانه تساعدوني لا تردوني كيف ممكن اغير هدا المنكر

مساء الانوار عليكم ياحوائيات عساكم بخير ماراح اطول عليكم بس طالبه منكم اليوم المساعده والنصيحه بادخل في الموضوع على طول وهي مشكلة اخويا بس هو مايعاني منها قد مازوجته تعاني , وهي زميلته في العمل يابنات انا مصدومه من جد تخيلو ان مجال عمله كله رجال ومن شهر تقريبا جا اخويا وخبر زوجته انهم جاتهم اليوم في العمل سكرتيره جديده بس ماكان عنده تعليق عليها في اول الايام بس ماادري ليه من يوم ماخبرتني مرت اخويا وانا مااطمنت وفعلا ماطول الوقت الا بدا وجع الراس بدات تعرف اخبار الشملوله من زوجة زميل زوجها الهو معاه في نفس العمل وهنا كانت الساعقه قمه الانحلال يابنات يعني تساوي مكياج كامل وتلبس جينز وعبايه مفتوحه ونص شعرها طالع من الحجاب اي حجاب ماشاء الله من جد انا مصدومه والمشكله ان عملها كله رجال يعني فعلا ماعندها اخلاق المهم ان زوجة اخويا حكتني دا الكلام وقالت لي انا مره خايفه من وجود واحده زي هدي مع زوجي وكمان بحكم العمل على طول في تعامل بينها وبينه صراحه انا انقهرت وقولتلها هدا منكر ولازم نغيره احسن شي نبلغ عنها الهيئه بس هي مارضيت وقالت لي خلينا صابرين على دي الخطوه بس ماادري ليه يابنات انا كان قلبي حاسس ان السالفه راح تكبر وفعلا دقت عليا زوجة اخويا امس وهي متضايقه وروحها في خشمها تقولي الحقيني شكلنا فعلا راح نبلغ الهيئه تخيلو يابنات زي ماتوقعت عرفت انها بدات بالوقاحه تبغى تلف على اخويا تلمحله انه له مكانه خاصه في قلبها وانه مميز عندها من وسط كل زملائه لا والهانم كل يوم والتاني تساله ايش رايك في مكياجي وشكلي وعبايتي اليوم والله يابنات مقهوره مقهوره على قهرت زوجة اخويا لانها انسانه طيبه ومحترمه والفيها مكفيها وماتعرف التعامل مع دي الاشكال وعلى فكره اخويا كمان انسان محترم وزوجته واثقه فيه وفي اخلاقه بس في نفس الوقت خايفه عليه من الفتنه وفعلا معاها حق وجود دي الاشكال في مجتمعنا هي المخربته المهم دحين ايش الحل في رايكم ايش نساوي لا تقولو لي مادام واثقين فيه هو مافي خوف لا لاني واثقه انها راح تتطاول اكثر واكثر وفي الاول وفي الاخر زي ماقولت هو منكر ولازم يتغير مع العلم بان زوجة اخويا ماتبغى تحسسه بقلقها عشان يكون صريح معاها دلوني يابنات عن الحل نبلغ الهيئه ولا نهددها هي على تلفونها ولا نكلم مديرها ونحذره من وجودها في العمل خصوصا موضوع الدخان شي جدا منحط يعني جهر بالمعصيه عيني عينك بنات ساعدوني بسرعه قبل يتطور الوضع