اختى فراولة مجنونة الموضوع ابسط من انك تضايقى نفسك صدقينى كل واحد حر فى وجهة نظره بس اللى الكل يتفق عليه انه اى واحدة فى مكانك اخوها فيه واحدة متبرجة بتشتغل معاه وبتتجاوز حدودها فى التعامل اكيد لو عندها شىء من الفطرة السليمة بتضايق وتحاول انها تغير الوضع باى طريقة تصرف طبيعى جدا وصدقينى مهما كانت هناك ردود غريبة ما يصح غير الصحيح والمهم خذى بالردود اللى يرتاحلها ضميرك ولايهمك كله بيعدى

طيب انتي ايش عرفك انو هي تقولو دا الكلام؟؟؟؟ ممكن هو حابب يخلي زوجتو تغار عليه او هو معجب بالبنت بس البنت ماادتو وجه الفكره الي ابغا اوصلها لك ((لاتحكمي على وجهة نظر جزء من المشكله لازم تسمعي لكل الاطراف عشان تكون عادله بالحكم)) وبعدين مو معناتو انو هي تكشف وجهها او تتبرج انو هي سيئه لا دا اسلوب حياه وقناعه وهي حره بحياته والتغير لازم يجي من الداخل ومن قناعه مو بالغصب او بالاوامر كدا حتكره الشي دا ,وبعدين فكرة الهيئه دي مره غلط لانو لو الهيئه لها يد وتقدر تغير الاشياء دي كان وقفت الاختلاط بجامعة كاوست وبشركات والمستشفيات .... وبعدين البنت بعمل مش بشقه مفروشه استغفر الله , ولو اخوكي ماعندو رقابه ذاتيه وزوجتو مملي عينو ويحبها والله ماحيشيلها من ارضها , وبدل الكلام دا حاولي انتي وزوجة اخوكي تربي فيه الرقابه الذاتيه وتخلي زوجتو تملي عينو

تتبرج وتشرب دخان وتمزح مع رجال اجانب وتتغزل فيهم وماهى سيئة ؟
والله ياخت سلاف هذه اشياء حكمها الدين مو انا ولا انتى ولا فراولة مجنونة واظن الاخلاق والالتزام بالحجاب امر شرعى واجب دينى وفرض على كل مسلمة وتسال امام الله يوم الحساب ولو كل واحد حر بحياته خلاص كل واحد يمشى بكيفه لادين ولا رقابة ولاخوف من الله وعلى الدنيا السلامة خليها تخرب اكتر ماهى خربانة اعذرينى اختى سلاف كلامك يمشى فى بلد علمانى مو فى بلد الحرمين او اى بلد اسلامى واكيد كل البلاد فيها اختلاط ومنكرات بس مش معناها انه خلاص نسلم بالامر الواقع ونقول حرية شخصية كاننا فى اوروبا او امريكا ولو المسالة مسالة انه الزوجة تربى فيه الرقابة الذاتية وانها تملى عينه وبس ماكان رجال كثيريين محبيين لزوجاتهم واخلاقهم محترمة انجرفت اقدامهم فى علاقات مع نساء مريضات بمرض خطف الرجل وهدم البيوت لانه بعضهن مساكين معقدتات تعلم بقبحها الداخلى فاتداريه بالتبرج والدلع و تخرب البيوت لتثبت لنفسها انها انثى وهى ربى اعلم بيها ؟؟؟؟؟

دحين احنا صرنا من اللي مشجعين التبرج والسفور
وانا ماتهمت اخوكي بشي لكن نشوفف الموضوع من جهات ثانية غيركم
واعتقد مدام نزلتي موضوع فخلي في بالك انك تسمعي اراء غير عن اراءك
ومومعناته اننا اختلفنا في الرأي عنك فبنكون ضدك
على العموم سوي اللي تبغيه وبتعرفي ان كلامنا هو اللي بيصير لانه للأسف هو هذا الواقع دحين رضيتي ولا لا

تشتغلي فين ماتبغي بس بادبك وباخلاقك هي ماهي فوضى ومصيبه اذا تبغوا تقولوا ان الفاجره الفاسقه ايا كانت بعيدا عن زميلة اخويا اي واحده تبغى تنشر وقاحتها من حقها تروح وتيجي على كيفها ومو من حق احد يفتح فمه