بنات ..حياتي راح تدمر خلال الأيام القادمة ..أستعين في الله ثم بكم

بنات حواء العزيزات حبيت أعرض عليكم مشكلتي واللي أرجو من الله أن يرشدني الى الصواب وبما فيه خير لي ...أرجوكم يابنات ادعولي عسى الله يفرج كل همومكم ...قصتي يا بنات هي أن زوجي ولا حول ولا قوة إلا بالله لا يصلي ويسكرويجي متأخر في الليل تقريبا 3 أو 4 فجرا وكثيييييييييييير منان علي بأي شي يسويه لي ..صار لنا سنة متزوجين ومعانا الحين ولد ..المشكلة هي غني كنت منصدمة في بداية حياتي معاة بهذة الحالة وكنت أستخدم معاه الرفض في أي طلب يطلبني أياه لكن هو بالمقابل كان يضربني ضرب مبرح وأمام أهله بعض الأحيان ..وكل مرة تكون أخس من المرة الي قبلها ..الي مصبرني عليه هو إنه لمل يكون راضي علي ..يعني ما أتكلم ولا أزعل على تصرفاته يعاملني بشي من الرحمة لكن جت مر وزعلت ومن دون حتى ما أكلمة ومع تنفيذي له كل رغباته الا أنني أتهرب من معاشرته الي والله ما ارتحت معاه (يعني ما خذيت حقي الشرعي في الفراش منه)بسبب ما لا أعرفة قد تكون انانيته ..في هذه الايام أعيش مشكلة كبيرة هو أنه تعدى علي بضرب يمكن لو شفتوه في فلم رعب بتقولون انه مضاف علية تأثيرات وانه هذا مش حقيقي وصار هذا قدام أهله عاد أنا ما قدرة أتحمل واتصلت بأهلي عشان يشوفون صرفة معاه ..ويمكن نلجاء غلى الطلاق ..بس يابنات بالله عليكم وخصوصا المتزوجات يشيرو علي اذا كنتو في مكاني ترضى أي وحده تنهان كرامتها لهذه الدرجة وتصبر ..عاد أنا كل شي الا كرامتي ..ومليت من المقوله ..المرة تقدر تغير زوجها ..ولازم تصبر ..ترى مو أي رجال يتغير ولا متى تصبر عليه لمن يروح شبابها وعمرها ويمكن يتغير ويمكن يرميش انتي وعيالش في الشارع في الكبر ...المهم يابنات بالله عليكم تشيرون علي بسرعة لان القرار راح يكون في هذة الايام ...ودعووووووووووووووووولي بالخير عسى يعوضكم الخير