بنات حيل تعبانه من خلصت الدوره

السلام عليكم


بنات انا حيل تعبانه من يومين حسيت بعوار اول ماخلصت الدوره ونظفت طبعا صار بينا انا وزوجي وحسيت مثل اني انجرحت بس قلت عادي يمكن لانه كل مره بعد الدوره يصير لي جذي المهم اليوم الصبح صار ونفس الشي بس هل مره حسيت بحكه مو طبيعيه والم فضيع لدرجه شوي وابجي من الالم المهم قمت ودشيت غسلت واطالع حاسه مثل التهاب بس مومبين شي بس احس مثل شوي وارم من تحت واحس حرقه من داخل قمت واستعملت المره غسلت فيها

بس مادري ليه حسيت انه زوجي السبب لانه قبل يومين لاحظت انه مثل شوي مجروم او من الاحتكاك شوي الجلد مزلوغ


قلت له قالي مافيني شي وخليته يغسل شوي بمره طبعا بعد ماطلع عيوني ومايصير ومادري شنو قلت يا طبيب يامره قالي اوكي وصج خليته يستعملها يقولي كان يحرقني شوي بس من استعملتها راحت الحرقه


قلت له يمكن يكون انت السبب لمن قربت لي ماكان فيني شي ومن بعدها حسيت بالم واليوم هم قلت له بس مالصيبه انا مابي يصير فيني التهاب لانه عندي تاريخ 11 الشهر موعد عند الدكتوره يكون يوم 14 يعني يوم التبويض عندي لانه اخذت حبوب منشطه 5 ايام واليوم كانت اخر حبه اخذتها


بس الحين ابي اعرف شنو اقدر استعمل غير المره


وصج في شي مادري شنو بس ودي اقوله يمكن وحده تفيدني


اليوم هو اليوم 3 من خلصت الدوره ولاحظت اليوم يوم صار الشي بيننا انه طاح على الفراش مثل دم بس لونه على بني فاتح زوجي قالي ماخلصتي قلت بلى خلصت وتسبحت لي كم يوم واصلي وعادي قالي متاكده قلت اي متاكده والا اشلون اخليك تقرب مادري انا خفت لايكون عندي التهاب وهو سبب الدم اللي نزل او مادري


وطبعا هني انا بدوله اوروبيه ولازم يدق الواحد وياخذ موعد وينطر موعده يمكن اليوم او باجر يجي موعدي وانا والله ميته خوف اني اروح للدكتوره مالتي على موعدي وتقولي ماقدر اسوي لج سونار واشوف التبويض لانه عندج التهاب او شي


والله احس تعبت وشنو ممكن ابتعد عنه عشان مايسبب لي التهاب مثل اكل او شرب



الله يجزاها كل الخير الي ترد علي واللي تشوف موضوعي


ادعولي يابنات الحمل السليم