بنات خالاتكم وبنات اعمامكم ...؟!!

السلام عليـــــــــــــكم..

أخباركم يا حلوات..؟

مااعرف وش احط مقدمه فراح ادخل بالموضوع بس <<ماعندها سالفه خخخخخ

ودي بموضوعي نتكلم عن علاقاتكم ببنات خالاتكم وأعمامكم وعماتكم..

يعني أنتم قريبات من بعض ..ولا مابينكم شي..مين أقرب لكم بنت الخاله ولا بنت العم ولا بنت العمه..؟:42:

تحبينهم ..ومين اللي تعزينه أكثر بنت الخاله ولا العم ولا العمه..وليـــه..؟

أكيد بتقولون وش تبي ذي..؟ :angry:

بس أنا أقولكم..

أنا وأختي الزغيرونه بس البنات بعايلتي يعني مامي ودادي والباقي أولااااد

وفرررق بالعمر بيني وبين أختي الصغيرهـ ..

أحس مافيه أحد أقدر أسولف له ويشاركني وكذا ..

أختي صغيرهـ ..وأمي كبيرهـ >>تقول جيتوني بآخر عمري<<الله يطول بعمرها ويحفظها لنا :)

وبحكم شغل أبوي عايشين بمنطقه بعييييييييدهـ عن أهلنا أعمامي وخالاتي وجداني ..

وما نقابلهم إلا من سنه إلى سنه..

فمالي علاقات مع بناتهم ..لا خاله ولا عمه ولا عم ..

علاقتي معاهم شوي رسميه ..ولو إني مع بنات خالاتي شوي ميانه بس مو لذيك الدرجه

أحس فيه حواجز بيننا ما كأننا بنات خاله..

صديقاتي هم زي خواتي مرررهـ معاي الله يسعدهم ..ربي رحمني يوم جمعني معاهم..

بس منطقتنا منطقه عمل يعني بس الواحد يتقاعد يرجع لديرته

وصحباتي كذا..

السنه هاذي آخر سنه لنا سوا ..ماراح يبقى معاي إلا وحدهـ ..هالشي حيييل مضايقني ..:44:

مااقدر افارقهم بعد كل المده الي قضيناها سوا..وأخاف نتفرق وننسى بعض مع إني مستحيل أنساهم

دايم أسمعهم يتكلمون عن بنات خالاتهم وسوو وسوو أحسهم حيل معاهم

وأتمنى أنا زيهم..

بس للأسف بنات خالاتي أقرب لبنات عمهم ..

صحباتي يلوموني يقولون أنتي هاديه بزيادهـ أنتي إنطوائيه كلميهم إختلطي بهم ..

بس أحس مااقدر مافيه أشياء مشتركه أقعد أتكلم بها معاهم مع إنهم حيل طيبوبات ومؤدبات

لما نروح لهم أمي تحذرني بنات عمك لاتقولين كل شي عندهم لا تثقين فيهم كل الثقه البنات مالهم ثقه...إلخ

وأسمع كلامها ونفس الشي لبنات عماتي

بس لما نروح لخوالي..

تقولي روحي بيت خالتك إجلسي مع بناتها إندمجي مع البنات..

بس أستحي أروح لهم كثير طووووول الصيف مادخلت بيتهم إلا مرتين بس..ما أخذت عليهم..وأمي تقول مافيها شي بيت خالتك

وخالتي تقول تعالي عند بناتي تراهم مايطلعون من البيت لحالهم يطفشون تعالي وانا خالتك ..

ولا نامي عندنا اليوم وانا خالتك البيت مافيه عيال..

بس أستحي مااقدر ..أحس البنات بيتضايقون مني مدري ليه..وأقول لأمي تقول أنتي بس خجول..:(

وددددي أكون زي صحباتي معاهم

تبادلنا أنا وبنت خالتي ..سرقت مكياجي الدبا ..رحنا السوق وفليناها..طلعنا الملاهي سوا ..رحنا تعشينا بمطعم<<من سوالف صحباتي

بس أحس طول ما إحنا بعيد عنهم ما راح يصير هالشي..

مع إن صحباتي بعد زيي..ليه طيب:(

معليش طولت عليكم

بس الموضوع مجرد فضفضه..

مالي أحد افضفض له ..ولا ودي أعكر ع صحباتي خصوصا إننا بنتفارق..

مشكورين لحسن إنصاتكم.:26: