السلام عليكم ورحمه الله وبركاته ..
بنات انا جيت عند خالتي بس تبكي اربعه وعشرين ساعه تبكي .. والله ياعمري عليها دائما ضايق صدرها على حال البنات
وكل ماسمعت سالفه اغتصاب ولا بنت هاربه مع واحد ولا خطف تبكي الى مايصفى راسها ..
واذا سمعت برامج الفتوى ادخل عليها وهي معصبه وواصله معها ..
تقول ليش البنات ارخصوا حالهم كل شي يفصد الوجه= يفشل يسألن عنه؟؟
والله انها احيانا وانا في الصاله أو المطبخ اسمعها تسولف مع نفسها وتشتم وتدعي مقهوره من قلب ..
قمت قلت لها ياخالتي هذا الموقع كل البنات يدخلونه تعالي احكي عليهم واستانست يابعد عمري هي ..
المايك للخاله :
لاجا الجد يقضي الحكي وانا هذا كثر الكلام عندي ..
يابنات الوحده من اول تهتم بسمعه اهلها وسمعتها ولاقضت سمعتها ماللبنت ثمره ..
وين الرجل يتقدم لوحده سمعتها ماتنفع اللبس مفصخ والطلعات للسوق
وتتكلم مع الرجال ماتهتم ..
والوحده اذا طلعت اطياب ومكياج ولا تخاف الله واخوانتسن روسهم تحت ..
حجاب ابن نحيت يقول ..
ماريد الا سعوديه بالعبايه مخفيه ..
وهذا الكلام كان اول مو الحين تتكلمن مع الرجال والوحده ماتهتم ..
والفتاوى لو تسألوني وانا ما قريت ولا دخلت المدرسه اعرف كل شين اعرفه ..
والوحده اذا اتصلت على الشيخ تسأل عن فتاوى تفصد الوجه << يعني تفشل ..
والبنات يهربن وينحاشن مع رجال ...
والرجال لو به خير مايخلي اخته ولا زوجته تطلع السوق لحالها وهو مايدري ..
ولو بهم خير ولا يسمحون لها تطلع للفنادق لحالها
من اول كانوا يضربون بالسعوديه المثل
ماكان في احد فوقها وفوق راسها بأخلاقها والحين خربنا ..
المفروض كل وحده يغزون براسها نيشان لاتفضحهم << تحمست خالتي
يجيبون ابوها اللي مسويه لها سالفه ويحط براسها طلقه <<< وش عندها عصبت خالتي ؟؟
وانتم يالمشايخ استحوا تراه عيب وكسر وجه يوم الوحده تسولف بمواضيع خاصه .. << وانا اشهد بصراحه صارت اباحيات
تقول خالتي لا فيه حياء الحرمه على الحرمه تستحي ..يامال اللسنه اللي تقص لسان اللي ماتستحي تلالي ملالا ماتعرف تتكلم
تقول خالتي اللي تحترم نفسها تسأل حريم تدور بهذا << خالتي تأشر بأصابعها تحركهم كأنها تكتب على الكي بورد كنايه عن النت ..
واللي كل ماهذا قالوا فضيحة بنت سعوديه ..
فضحتونا الواحد لابغى الناس تسمعه قال سعوديه سوت وسعوديه فعلت
..
الرجل اللي ماهو ديوث يمسك اللي تمشي بالأمور اللي تغضب ربنا ويذبحها ماعليها شفاه =غير مأسوف عليها ..
ليش تشمتون بنا خلق الله <<فاصل .. خالتي هاوشتني وهي تتكلم تحمست وصرخت علي قالت قولي ياشينه .. وانا نخرشت اقول لها وانا وش اسوي قاعده اكتب ..
نعود لمحور حديثنا ..
تقول خالتي عسى من اخترع الدش وسعى به وجابه لنا ودخله لنا عسى الله يبلاه على عمره كل من دخل القنوات الفاصخه ماخرب عيالنا وبناتنا
الا الدش وبلاويه ..
الله يخرب من خرب ديننا ويفضح من فضحنا وينزلهم ربي عقب ماهم عالللييييين ينزلهم لأسفل السافلين ..
ولابد ماتسألن عن كل شي تسونه بالدنيا وراكم حساب وعقاب خوفن الله ويوم القيامه لادخلتن هالحفره مالكن طلعه اعملن لاخرتكن قبل لايفوت الفوت ...
وادعوا لخالتي بالشفاء والعافيه وطولة العمر ...:26:
ام ندوش @am_ndosh
عضوة فعالة
يلزم عليك تسجيل الدخول أولًا لكتابة تعليق.
ودي آطبخ
•
صدقت والله خالتك عسى ربي يعطيها العافيه وطوله العمر على الطاعه
من جد ماكذبت والله صاروو الرجال يستحوون والبنات وبعض البنات ماعاد عندهم حيا وهم كانو مضرب المثل
سبحان الله دنيا / لا والاسوأ من كذا كل جيل اسوأ من الي قبله
الله يعينا بس :(
تكفين خليها تدعي لي بالتوفيق بحياتي
وسلمي لي عليها وقولي لها اني اشكرها على موضووعها الرائع
وتسلم ايدك انتي على الكتابه :)
يا ملحها ويا ملح غيرتها وحياها ويا زينها زينااااااااااااه
الله يمتع بها على عمل صالح ويحفظها يا رب
الله يمتع بها على عمل صالح ويحفظها يا رب
الصفحة الأخيرة
ياليت كل الاخالات مثلها ماشاء الله
الله يشفيها يارب ويطول عمرها على طاعته والمسلمين