بنات ...خالي محمد انتقل الى رحمة الله ..

بنات خالي محمد انتقل الى رحمة الله رحمه الله رحمه واسعة
توفي البارح في الليل وهو على فراشه ..
وامي يابعد قلبي مادرت الى الان ابوي بلغها انه بالمستشفى وهو بخيير ..ماقال لها انه توفى
انا بعد وصلني نفس الكلام ولما امي قالت ابي اشوفه لازم اروح وحنا بديره وهم بديره راحو اليوم امي وابوي واخوي واختي سافرو االيوم الصبح الله يعينهم ويصبرهم على مشاق السفر وعلى امي اذا بلغوها بالخبر الصحيح ..
لما حركوا من عندنا اختي الكبيرة قالت الله يعين امي ترا خالي موب بلمستشفى تراه مات
حسيت كأن شي ضرب راسي ماصدقت الخبر قالت اختي ابوي اليوم الفجر بلغني بانه مات البارح بكيت وابوي قال لا تبكين قدام اخوانك واخواتك اذا سالوك وش صاير قولي خالي بلمستشفى وهو طيب ...
والله يابنات اني بكيت مثل الطفلة واخواتي يهدونني خلاص قولي الله يرحمه انا لله وانا اليه راجعون لا حول ولاقوة الا بالله عاد انا تذكرته ودي اشوفه اشتقت له لي فتره ماشفته وحتى هو كان وده يشوفنا كلنا لكن قضاء ربي كان اسرع الله يرحمه ويصبر بناته وعياله ويصبر امي والناس كلهم على فراق حبايبهم
الاموات كلهم محتاجين دعوات الاحياء فلا تقطعوا الدعاء عنهم
والسلام خير ختام