بنات خايفه ويطلع اصوات غريبه من الطابق العلوي طمنوني

حبيبتي قولي اذكارك
وشغلي سورة البقرة
وقفلي الأبواب كويس
وتوكلي ع الله ونامي
انا اذا كنت بروحي يتخيل لي أصوات فاشغل القران
عشان ما يوسوس لك الشيطان حتى بهبة الهواء يخيل لك اشيا

جزاك الله كل خير

استغفري لين ماتنامين

سجلت دخول عشانك بس
ذكرتيني بنفسي
لانه دوامي كان يختلف عن اهلي فكنت اقعد ٣ الى ٦ ساعات لحالي وببيت واسع
ماتتخيلين الرعب الي كنت أعيشه
أصوات بشر فوق وتحت انا متأكدة شئ موطبيعي
والي اثبت هذا ان اختي سمعته كذا مره يعني مو وهم او غيره
والغريب انه مايجي الا من بعد ١٢ الى ٣
وبعد ٣ يختفي
ومرات كنت اصلي القيام تتوقعين كم مره اقطع صلاتي ؟؟ كل ماسمعت طقه اقطع الصلاة وارجع للسرير واذا اختفى ارجع اعيد من جديد💔الله لاتعاقبنا
والاصوات اذا صرت لحالي تستمر لين الصبح
الخلاصة اني الحين ولله الحمد امشي وارقى وانزل على كيف كيفي
ايه نعم فيه أصوات بس ماصارت تعنيني
هو شيئ نفسي ما ادري اذا بيفيدك كلامي او لا
لكن فكري فيها أصوات! طيب من وين وليش وكيف ولمتى؟
فلنفترض انها حيوانات ممكن قطة؟
فلنفترض انهم اخواننا من الجن
ان شاءالله ما منهم شر مادامهم ما اذونا بالصبح
وأقري ورد واذكارك واذكري الله وانتِ تمشين او تجلسين بصوت عالي عشان تطمنين نفسك
وترا مخاوفك النفسيه تكبر الموضوع ترا الموضوع مايسوووا
وكلتي امرك لربك ورب الصوت الي تسمعينه
وشغلي النور وتراها فترة وبتجين تبشرينا بتغلبك على خوف

والله يطمن قلبك وينزل عليه السكينه ويقويك ياحي ياقيوم