بنات خبروني كيف تتعطرين حق عرس او مناسبه عشان تظل ريحتج ثابته طول السهره؟؟

بالنسبه لي ..اذا جيت اشتري شريت العطر مع الجفت كااااامل واذا ناقص انا اركب عليه يعني اذا ناقص شاور اركب عليه شاور من ماركه ثانيه بس اراعي تكون الريحه ممناسبه ومتقاربه ..واللي تبيع تساعدني بالريحه ..

استعمل الشاور وبعدين الكريم لانه الكريم اثقل ..بعدين بدي سبراي ..واذا في بودره تمام ..وبعدها اعطر كل قطعه البسها..

بعدها احط خمريه من الرصاصي بشعري ..وعطر من الجفت اللي شاريته .. وزيت عطري من زهور الريف ..

ورى اذني احط عطر زيتي من زهور الريف واماكن النبض..

بعدين اتبخر من فوق لتحت +عبايتي مع العطر..

وسلامتك ياقلبي :)

اول شي .. استحمام بشاور جل تكون ريحته مميزه وقويه اخليه مخصص للمناسبات واغلب شي يكون تبع عطر

بعده استخدم بخاخ الجسم ... احلى شي استخدمت الشاي الاخضر من زهور الريف .. ريحته مميزه وحلوه ..

بعده مخلط عود ...

بعد المخلط بخور

وبعد ما احط المكياج واضبط شعري والبس ... واروح للعزيمه ....

اول ما ادخل اغرق نفسي من العطر ... مو تغريق بمعنى تغريق

لكن ما احب احط بختين بس .. يعني قول خمس ست بخات ..

والحمدلله دائما ريحتي تصير مميزه ..

وتثبت معي حتى نهايه السهره ...

طريقتي مثل اغلب البنات ... لأن الاكثريه خصوصا محبي العطور والمخلطات والبخور كذا يسوون ..

(( انا ابري ذمتي من اللي تتعطر لغير زوجها او محارمها او نساء )) والله عليكم شاهد ورقيب وحسيب ...

وحده علمتني طريقة تبخير وتعطير .. بعد الاستحمام بجل ريحته تكون مركزه تبع عطر مفضل عندج .. ويفضل يفضل يكون نفس ريحة العطر اللي راح تتعطرين منه حق السهرة ..

وبعدين هاتي كوب ماء ... وغطسي يدج في الماء ورشي على ملابسج لحد ماتحسين ان الملابس تبللت اشوي من الماء بخريها على طوووول بالبخور والعود (( مع بعض)) لو تحبين ..

وفورا عطري كل قطعة لحالها لحد ما تتشبع من العطر .. ورجعي بخريها مره ثانيه على الخفيف ...

وقت دخولج للحفلة او لزوجج عطري اماكن النبض ..

مشكوورات يا الغاليات
ومنكن نستفيد

عطر مركز كفاية


وانا عندي عطرين للمناسبات مااغيرهم ريحتهم مره قوية لتاني يوم