بنات خلاااص تعبت من زوجي تعالو ساعدوني افكر بالطلاق

السلام عليكم انا جديده بالمنتدى وحابه استشيركم وهذي اول مشاركة لي
انا يابنات متزوجه لي سنتين وخمس شهور وعندي بنت 
بقولكم كيف تزوجته 
في فترة الملكة ماكنت احس بحبه ولا اهتمامه بالمرة ولا كان يهديني شي وقلت لابوي المهم ابوي قاله اذا بتهتم ولا طلقها قبل تتزوجها المهم ماحسيته تغير ابد نفس ماهو وكل من شكيت له قالو بيتعدل بعد الزواج المهم تزوجت وربي يابنات اني كني عايشه مع ابوي او اخوي حتا اقوله تحبني يقول اكرهك حتا اقول قول ايه لو مرة وربي ماعمره باسني او مسكت يدي او قرب مني حتا وقت الجماع انا اللي ابادر غالبا او هو يبادر بس ع طول يسوي هالشي بدون اي مداعبه حتا امس صار هالشي وجلست ابكي حسيت هواء دخل وحسيت بالالام واحاول اقربه ع جسمي مايقرب .
يابنات لاتقولون هدديه انك بتتركينه لاني قد قلتله وهددته وقال عادي بكيفك تبين تروحين روحي حتا قال انتو خربتوها من الملكه اصلا انتي وابوك ،،يابنات هذا غير اسلوبه الوصخ معي حتا يخاف اني احسده ع اكله وشربه حتا الناس يخاف عليهم من عيني يخاف احسدهم وكلامه يابنات وصخ جدا لدرجه انه قال ماتسوين عندي انتي واهلك جزمة ويقول اطقع ماشوف انتي بس انا اعرف انه مع كل الناس مو بس معي اسلوبه وصخ لانه تربى ع هالشي اخواته نفسه ..وغير يابنات انه مايصلي زي الناس يجمع الصلوات مع بعض وبعض الاحيان مايصليها ..
قد كلمت امي بالموضوع وقالت والله ابوك انه مو مرتاح لهاالرجال دايم يقولها انه مو مرتاح وقالت دلعيه حبيه لاحقيه حتا قلت ماما عادي ترجع لكم قالت ياربيه ان شاء الله يتعدل ،،،  يابنات انا موظفه عادي لو اتطلق منه بس اللي بيقهرني اني ماسمعت كلام ابوي من الملكه انه مو مرتاح له ...^^فيس يبكي 
يابنات تكفون ساعدوني ايش اسوي اكمل معه ولا اتطلق ،،ابي احس اني زوجه واحد يبغاها احس اني معه بدفن عمري وربي احس ماكني زوجة تعبت ومليت منه خلااااص كرهته بالمرة يابنات حتا انا امسك يدة يبعدها الحقه يهرب حتا اقوله كني انا الرجال وانت الحرمة الاحقك وبعدها ازعل وهو يزعل ''حتا يابنات يزعل ع اشياء انا اللي ازعل فيها يروح هو يزعل ويجلس لو عشر شهور زعلان ولاحتا يكلمني الا من راس خشمه لين اراضيه '''يابنات احسه يكرهني مايبغاني وانة مجبور علي مدري اعيش مع هالانسان ولا اروح بيت ابوي وماني بحاجته معي وظيفتي وبنتي باخذها معي '''
الحين ابغا تدورون لي حل ياانفصل ولا امشي حياتي كني مو متزوجه ولا اعدله ولا ايش الحل مع هالشخص خلااااص تعبت انا بالمررررة ابي حل اقتنع فيه '''وترا يابنات قد قلت لامه وابوه عنه وانه قاسي معي قابت امه انه حاقد من الملكه ع ابوك '''''وابوه كلمه بس ماتعدل بعدها'''''
بنات حسناته بس انه يمشيني ويسفرني دايم لانه يحب يتمشا اصلا ومايقصر عالبيت بالاكل والشرب والله حتا ملابسي واغراضي مايحط فيها ريال كلها انا ادفعها حتا بنتي اغلب الاحيان انا ادفع ملابسهافقط هذي حسناته