بنات خلاص قررت أزوج زوجي

السلام عليكم..

شخباركم بنات..طبعا كلكم تعرفون موضوعي اللي كتبته على هالرابط:http://forum.hawaaworld.com/showthread.php?t=366214

ان سألتوا عن حالي أنا الحمدلله أحسن عن قبل..رحت لشيخ فاضل و قرى علي ..وأثناء القراءة اكتشف انه صايبتني عين وايد حارة..وعالجني..

نجي للمهم..يا بنات انا فكرت وايد وايد..قريت قرآن و سويت وايد أشياء..فكرت وايد بالطلاق بس كل ما فكرت فيه ضاق صدري و مت خوف مدري ليش..بس يا بنات تصدقون انه كل ما فكرت اني أنا بنفسي اللي أزوج زوجي..ما تتخيلون كيف أرتاح..أحس اولا انها بتكون بنت زينه يعني أحسن من انه يبلي بنت لا أعرف اصلها و لا فصلها تطلع عيوني..بعدين أني أنا أزوجه بكبر بعينه و بعدين أزوجه أنا ولا يتزوج بالسر و يصدمني..بالإضافه الى اني بمنعه عن الحرام و بكسب فيه ثواب...والله اني بموت قهر بس لما أفكر من هالمنطلق صدقوني أرتاح..أنا ما أبي أنتظره الين ما هو يتابع علاقاته العاطفيه و أنا الله العالم بحالي..
يا بنات شو رايكم؟؟هل تفكيري سليم..أنا مستغربه من نفسي كيف قدرت افكر جي؟؟سبحان الله..
يا بنات أنا من الامارات و أبيكم انتوا اللي تزوجوه..أنا ما أعرف حد..أبيكم تدوروله انسانه محترمه تعتبرني أختها..انسانه تعرف ربها..الجمال قال انه مب مهم عنده..المهم أخلاقها تكون طيبه..تسوون فيني معروف يا بنات تراني ما عارفه شو أسوي..هو عمره 25 و يصلي بس مب مداوم عليها....أنا بشهاده الجميع انسانه طيوبه و مسالمه..ما أعرف هل الأفضل اني أزوجه مواطنه و لا وافده..عانس و لا مطلقه ولا أرمله..أشيروا علي يزاكم الله خير..