واضح يا استاذه مشكوره يا بعدي وانا موافقه على الخطه:27:
وننتظر راي البنات
ولو تصير فيه دردشه يعني كل وحده تدخل تكتب وش سوت اليوم ووش طبخت واذا بتطلع وكذا ولا انتي وش رايك ؟؟؟
ياالرزان اوياحبوبه انا موافقه على الخطه وان شاء الله
:cook: يعني المطبخ الاول سيد البيت
:cook: يعني المطبخ الاول سيد البيت
الصفحة الأخيرة
بس باقي لي يمكن ركنين ماخلصتها
اول شي المطبخ لازم تكون ادراجه مرتبه حسب الحاجه
وتتخلصين من كل شي ماتستخدمينه
وبما انكم عرايس ماانصحكم تتخلصون لانكم لسى جداد ومواعينكم جديده
لكن اهم شي الترتيب
بكرة ابيكم تروحون للمطبخ وتفتحون كل الادراج تخلون ابوابها مفتوحه
واجلسي طالعي فيها
راح تلاحظين بعض الاماكن فيها مساحات فارغه كثير
وراح تلاقين ان تصنيف المواعين مختلط شوي
انت صنفيها حسب حاجتك
مثال
القدور حطي معه المقالي واذا فيه مساحه حطي الشواخيل وصياني التيفال
مثال ثاني
خلي لك دولاب مخصص للاشياء اللي تستخدمينها يوميا مثل قدرك اللي تطبخين فيه واذا معه قدر اضافي وصينيه بايركس قد شخصين
وصحون الغداء والبوادي
وممكن شبك تحطين فيه الملاس و3 ملاعق و3 سكاكين و3 شوك وملعقة التحريك الخشب وملعقة السلطه وقطاعة البصل
يعني شوفي حاجتك اليوميه واجمعيها بدرج
هنا بتقولين ليه
انا اقولك لان كثرة تفتيح الدواليب يوميا يوسخها ويخربها
وانت كذا وفرت على نفسك خصوصا بعد ماتغسلين المواعين اليوميه
تدخلينها على طول في الدولاب هذا ماتقعدين تفرفرين في المطبخ
المهم عساكم فهمتوا هالنقطه
اهم شي صنفي المواعين ورتبيها بتلاحظين طلع لك مساحه كبيرة ماتخيلتيها
اتذكر اول ماتزوجت كانت اغراض المطبخ على اهل زوجي
هم اللي الله يجزاهم خير تقضوها ورتبوها ببيتي وغسلوها وصفوها تمام التمام
المهم بعد شهرين جيت اعدت ترتيبها اكتشفت ان عندي مساحات كبيرة ما استغليتها
واستفدت منها
يعني بكره
نبغى تنظيم خزانات المطبخ مع استغلال المساحات الفارغه ووضع دولاب للاستخدام اليومي
بالاضافه
كل وحده تسوي لها خلطه بعلبة بخاخ زي بخاخ القزاز
عبارة عن فنجال كلوركس وملعقتين جل العملاق او شوي فيري مع بيالة ملمع زجاج والباقي عبيه مويه
وجيب فوطه نظيفه وكل دولاب ترتبينه امسحيه بالخلطه هذي واذا كان عندك بلاستيك مشمع افضل انك تفرشيه
بعدها جيبي بخاخ وحطي فيه ديتول او داوني اوكمفورت شوي والباقي عبيه ماء
وبخي الدولاب من جوا وفوق وتحت وكل جدرانه وانصحكم بمطهرات ديتول شي بالورد وشي بالليمون يجي جركل وانت تخففين بمويه حسب حاجتك
و بعدها ترتبين المواعين
وبس هذا شغل بكرة
ان شاء الله واضح