مساء الخير
قولوا ماشاء الله عليها السنعه (اللي هي انا طبعا)راح زوجي اليوم وجاب اغراض الحلقه والشغاله توها جتني قلت خليني استغلها وتساعديني في الخضره بدل ماتخرب واكبها في الزباله وانتوا عارفين اغراض الحلقه
1-قورت الكوسه وقليتها وحشيتها ووحطيتها في صحون وغلفتها وعلى الفريزر(شيخ المحشي ومحشي الكوسه)
2-قطعت الباذنجان حلقات وقليته وحطيته في صحون وغلفته وعلى الفريزر(المقلوبه والمتبل والمسقعه)
3- سمبوسه رقاق باللحمه والخضار وفي صحون وغلفته وعلى الفريزر (سبوسه)
4-سبموسة سويتز صغيره بالجبنه( حلى) في صحون وغلفته وعلى الفريزر (حلى للضيوف المفاجئين )
5-ورق عنب حشيته وحطيته في صحون وغلفته وعلى الفريزر(ورق عنب للضيوف المفاجئين)
6-ملفوف محشي وحطيته في صحون وغلفته وعل الفريزر(ضيوف مفاجئين )
7- قوالب السكر البني (عرفتوه)سويته وطلعته من القوالب وتركته يبرد وحطيته في علب بلاستيك وعلى الفريزر(الضيوف المفاجئين )
8-خرطت خيشه كامله ملوخيه ونقعتها بمويه وملح وغيرت المويه ثلاث مرات وخلطتها في الخلاط وحطيتهافي اكياس وعلى الفريزر(ملوخيه طعممممه)
9-غسلت الباميه وترتكتها تنشف وحطيتها في
اكياس وعلى الفريزر (ايدام باميه )
10- قطعت الفاصولياء وفي اكياس على الفريزر
(ايدامات)
11-جاب زوجي كرتونين طماطم حطيت كرتون للسلطه في الثلاجه وكرتون غسلته ونشفته وخلطته ووزعته في اكياس للطبخ (صلصة طماطم طازجه وسريعه)
12-سويت شيره علشان ماتورط اذا سويت حلى بسرعه
سلامتكم واللي يعجبها موضوعي تدعي لي ان الله يعطيني اللي خاطري فيه ......واستنوني الجاااااااااااااااي اكثر انا استفدت من هذا المنتدى وحابه افيد
لازم احقق هدفي @lazm_ahkk_hdfy
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
الله يبارك لك ويزيدك
وفي انتظار جديدك يالغلا