بنات خواتي وزوجة اخووووي شالحل ..الحكيمات فقط

السلام عليكم


انا عندي 3 بنات خوات طبعا اصغرهم طالعه ثاني متوسط


واكبرهم طالعه ثالث ثانوي
وعندنا اخونا متزوج عنده بنتين الله يحفظهم


زوجت اخوي تصير بنت صديقة امي بينهم محبببببه ماشاء الله تبارك الله
ولها يمكن 4سنوات متزوجين ..الله يسعدهم


حنا طبعا البنات نعامل حريم اخواننا كأخوات ..لكن بيننا شوي رسمية علشان نحافظ على العلاقات


والشي الثاني ماشين على الشرع
مرت الولد ماتخدم اهلي ابداااا لانه مو واجبها ...ولانخليهم يشتغلون ابدا في حضورنا حنا البنات ابدا مخدومات محشومات
اللهم اللي تبي تشتغل برغبتها وتحلف ..


وامي الله يحفظها اساسا هي قايمه بشغل بيتها لان كلنا متزوجات الحمدلله ..


المهم اخوي اللي قلت لكم عنه
مرته دايم تزور اهلي برغبتها وتحب جمعاتنا والحمدلله اصلا حريم اخواني الباقين بمناطق مو عندنا مافيه الا هيه




المهم هيه انسانه منفتحه وحنا محافظين ومتقبلين وضعها تماما لان اهلها مربينها كذا وحنا ماااااالنا بهالشي مايخصنا ..


وتحب امي وتقدرها كثيييير


فهمتوووووا


نجي لبنات خواتي ..


يجلسون مع بعض
ويحبون يعابطون شوي اذا اجتمعوا ويتخبلون وكذا ....


تفاجات يوم مجتمعين ويحشون بمرت اخونا ..... وشفتهم وهزأتهم وهددتهم ومشي الحال


مره ثانيه جلست معاهم مرت اخونا
وسواليف وضحك مع بعض ...


ولما رجعت البيت .. الا بنت اختي اللي باول ثانوي ترسل
وش رايك بفلانه
صورتكم وانتم كاشخين ومتجمعين وارسلت صوركم لاهلها


رديت على بنت اختي عييييييييب تتكلمين عن زوجة خالك كذا وحراااام تغتابينها خافي ربك


ردت علي ..
لو يدري ابوي يذبح امي
وترين بنات خالاتي يقولون ان اخواننا اذا مروا من قدامها بالتماشي ماتغطي ... وحنا زعلانين منها لانها قليلة ادب ونغار ع اخواننا....
رديت عليها من زين اخوانكم يارب لك الحمد .. وقولوا لهم لاعاد يمرون من قدامنا عييييييب محد قالهم يقومون ..
يحترمون الادميه ... وخلاص حليناها مايبي لها ..... وقسم بالله لو فتحتوا سيره او تكلمتوا من ورى الادميه ابلغ امهاتكم ياقليلات الادب .....




ومرت الايام ونسينا ...


الا بنات خواتي متجمعات
ويتشاورون على الادميه
شكيت فيهم
وخليت لين الادميه راحت بيتها
وامسك امهااااااتهم بناتكم كذا مع مرت اخونا


ادميه محترمه ومندمجه معانا واخت لنا
الا كل وحده قامت على بنتها وسب وكلام ......ووعدونا مايتكرر هالشي






ونسينا ومرت الايام
وبالعيد ذا جات وحده من خواتنا وباتت عندنا لان زوجها مستلم
طبعا كل الجماعه يعيدون باستراحه
وخواتي معانا


اليوم الثاني بالعيد
الا اختي متقفله بالغرفه مع بنتها طبعا وقت النوم
وواسمع صراخهم ..


ادخل واسال الا اختي تقول صايرين يتفقون على زوجة خالهم ..
وانا تعبت من هالبنت عاصيه لي ولاتطيع
شوفي حل معاها والا ذبحتهااا


طبعا البنت ثاني متوسط وعنيييييييده زي ابوها وراسها يابس


امسكها محاضره ..قسم بالله ولا كاني اقول شي ترد بقوه وبصوت عالي


من زينكم انتم وياها
انا اغار ع اخوي منها
انا مااحبهااااا ابدا .. وشايفتكم تفضلونها علينا !
مين حضرتها
وقاعده تصوركم ماتقولون شي !!


خليتها تخلص سب
وقلت انتم ليش تجتمعون مع بعض
لازم افرقكم يهالثلاث عن بعض
انا تكلمت من قوة القهر منها عبيييييييطه جدا ومو قادره حتى اتفاهم بالعقل ولا بالحوار ..حاولت افهمها بامور واعلمهل بس مره عبييييطه


الا اختي تقول ترين يحرضون بعض ثلاثتهم


طبعا رحت ارسلت لبنات خواتي الثنتين لقيتهم يعابطون مثلها تماما


تكلمت عليهم وهددتهم ورجعت كلمت امهاتهم ... قالوا تعبنا فيهم
وحده من خواتي قالت بنتي بحولها لابوها يربيها لانها بتسبب فتنه....بس خفت عليها لانه يضررررب .. واختي ماعندها مشكله اعرفها زين اذا ارتفع ضغطها والله لو نجيب لها مدري مين مايشفع ....فحلفتها مااقول لابوها


وقلت انا رايح ادور حل معاهم
فكرت اقول لاخوي يهدد بنات خواتي....بس مايصلح ابدااااا


فكرت ابلغ امي ...ماراح تتحمل


محتااااااااره معاهم بيسببون فتنه
ومايطيعووووون ابد متفقين ..


شالحل تكفوووووووووون .. مانبي مشاكل بالعايله ابدا .... ومرت اخونا محترمه .. وطيبه .. وبنت صديقة امي ..واخوي طيب معانا مانبي نفقده ....وهاالبنات ناوين نيه سودا


ماادري هم يغارون منها !!
نسيت اذكر شي
خالهم هذا يحبووووووووونه جدا
وبينهم موانه معاه .. وهو يحبهم .. بس اكيد يحب مرته الله يحفظهم
ويدلعها قدامنا ااااااخر دلع هي وبناتها ماشاء الله تبارك الرحمن
اذكروا الله عليهم
تتوقعون غيرانين بنات خواتي ؟؟؟؟؟


وش الحلول ..اعطووووني رايكم


انا قلت لازم احل الموضوع ان شاء الله بس قلت استشيركم اكيد بلاقي عندكم حلول غير اللي عندي
نووووورونا