قهههههههههههههر كتبت رد طووووويل وطااااااااار :(:(

زبده كلامي يا حبيبتي ...

سافري بلحالك , وش لك بالغثاء , خلي ولدك عند امك أو ام زوجك

وخلي سفرتكم هذي اسبوع عسل , ويا سرعها وتطير

وجميع دور السينما تمنع دخول الأطفال , يعني بالعقل تبين تدخلين ولدك قاعة سينما !! قسم بالله بسم الله عليه إن تتفجر طبلة إذنه , لأنه ما يتحمل , الأن حنا يا الكبار إذا طلعنا من السينما تنقلب روسنا من قوة الصوت فما بالك بطفل رضيع

والويلد وادي كل ابوووه مايوهات واستعراضات من اللي بالي بالك :(

دامك منقبه و زوجك ما يعرف يسبح وش يبي فيه , لأن كله ألعاب مائيه , ولا فيه شي يستحقالمشاهده , دخلته العام أنا وزوجي واعوذ بالله حرر وقرف وناس مفاصيخ , يعني ينفع للخواجات مهب لنا يا الخليجيين ...

و الأسواق ما قصروا الأخوات .. كفوا و وفوا

وعلى فكره ترى الرجال يمل من الأطفال وخاصه بها العمر لانه يا قلبي ما راح يستحمل الرطوبه والحر وانتي راح ينكسر ظهرك من شيل العربيه وحط العربيه وكل ساعتين تسوين رضعه غير تغيير الحفايظ , حشى ما صار تمشي هذا صار تعذيب :(

بالنسبه لي ما اسافر بعيالي بها العمر مستحيل , اولا لن زوجي يرفض , ثانيا لانني مالي خلق صياح وما صياح , انا رايحه انبسط واستانس , اخليهم عند امي الله يخليها لي ويحفظها ويطول لي بعمرها

وسلامتك

الوايلد وادي ما تنفع لك ابد حتى زوجك ما تنفع كلها منكرات وناس لابسين من غير هدوم الله يسترنا بستره ..وبالنسبة للسينما اختي يقول الرسول بمعنى الحديث ان ابن ادم يسال (عن ماله فيما انفقه وعن شبابه فيما ابلاه ) ولا يسركي طبعا ان يكون مالك في تذكرة سينما ووقتك في مشاهدة فيلم ..اسال الله لكي التوفيق

ولدك لالالالالالالالالالالالالالالالالالالالالالالالالالا تاخذينه



والله تنهبلين...


سافرت مع اهلي ...لاحظي مع اهلي..

يعني فيه احد بيهتم فيه غيري...

كرهت السفر معه مره ثانيه كان عمره سبع شهور....



نصيحه صرفي ولدك عند احد ثقه...وبس



وبالنسبه لوقت روحتكم ...ابد مو مناسب ...

زوجي بيروح للمعرض وحاجز لنا في الشارقه لأن دبي كلها فل


قدمي السفره وإلا اخريها...بس رمضان على الأبواب الله يشرفه...


وسلامتك

أهلين اختي اكيد البنات حبطوج بالمره شكلج ما بتسافرين :D
والله هم صادقين باللي قالوه ....الحين الجو رطوبه وحر شو تبغين بالوايلد وادي وخاصه ان فيه اجانب ومفاصيخ انا ما شفت الحمدلله بس سمعت ..وبتتضايقين انتي خاصه علشان الرطوبه اما زوجك عادي يمكن يروح يتسبح ويبرد على عمره بس انتي ما بتقدرين !! وولدج بيتضايق من الحر بعد ..

روحي الاماكن المسكره والمكيفه احسن لكم ......وشوفي موضوعي اللي في التوقيع يمكن تستفيدين منه واتمنى انج تقضين اوقات حلوه انتي وزوجك وولدج :)

اهلين اختي حبيت اقول تبين نصيحتي روحي لحالك وش لك بوجه الراس انا رحت باولادي الثنين وخليت بنتي عند امي اريح لي ولها من التعب والمشاوير بعيد الشر عنها ..
بالنسبه لوايلد وادي بصراحه حلوه بس مثل ما قالو الاخوات كلهم لابسين مايوهات انا يوم رحت كلهم ما يوهات واذا كان عادي عندك ادخليها حبيت افيدك..