ام الجميلات وأم رها (الحمدلله على السلامة)... مشكورات وما قصرتوا وان شاء الله اطبع الكلام هذا علشان اوريه ابونا :)

روشانا :)

هاه بنات ... باقي محل ديور وين الاقيه؟؟ ودي اشتري لبس العيد لبنتي من هناك .. لانه بالرياض ما عندنا الا الشنط والمكياج والعطورات من ديور :(

واذا ممكن اضيف سؤال ثاني ... اختي نصحتني اسكن بستي سنتر بس اشوفكم تمدحون ابن بطوطة .. هل فيه فندق متصل فيه؟؟ او قريب منه؟ يكون 5 نجوم طبعا.

أختي ROSHANA تقاطع 9 ورى مطار الشارقة يعني بعد الأستكشاف والحديقة الوطنية يعني لا تنسين تتزودين بالماء والمناديل0

أختي ستار متعيجزة تكتب الأسم باEابن بطوطة بعيد على طريق ابوظبي ومااتوقع ان فيه فندق00 وبالنسبة لستي سنتر
مرة هالمنطقة زحمة والسوق زحمة موت ولا فيه زود انصحك تروحي للفرسان للسياحة وراح تلاقوا كل تعاون منهم 0

مرحبا الغاليه..
مدهش موجود لين يوم الجمعة 2/9/2005
والماركات الكبيرة مثل ديور وغيره بتلاقينهم كلهم في برجمان في السكشن اليديد..
والمناطق اللي بتزورونها:
أنصحج للأطفال: مدينة مدهش ، مدينة الثلج ، مغامرات السفاري
ولكم انتي وبوالعيال..
المراكز التجارية مثل برجمان وابن بطوطة والسيتي سنتر..
هاي أكثر الأماكن اللي ممكن تزورونها في 4 أيام..
بس ابن بطوطة مول يحتاج منج اسبوع عالأقل عشان تدورينه كله لأنه وايد كبير!!!

في محل ديور اسمه baby dior في برجمان خاص بملابس الأطفال ممكن تاخذين لبنتك لبس من هناك..

ام رها وشمعة وفاء ... تسلمون وان شاء الله بموازين اعمالكم الصالحة يا رب