السلام عليكم

اختي THE EYES

انتي شو سويتي التقشير الاخضر...ولا ماسك التقشير بأحماض الفواكهه...وبكم ؟ نتريا الرد و نبا التقرير اليومس منج يالغاليه وبندعيلج

سلام عليكم
اشحالك ؟

تصدقون اكثر موضوع احبه هذا اول ما احدر لازم اقراه هههههههههههههه

انا لو كتبت موضوع مادري شو بيستويبي عيل :23:

المهم ندخل في الموضوع :-
سنابل الزمن مشكووووووووووره الطيبه على الدعاء من ذوقج والله
والتقشير الاخضر يخوز الاثار والندوب والبقع بعد بس على حسب يعني اذا واااااااااااااايد اثار عندج مب من اول مره بتروح كلها يعني الدكتوره تقول كم جلسه تحتاجين

ام عقوص
انا سويت التقشير الاخضر ومثل ما قلت الجلسه الاولى اب 1500 واذا بتحتاجين جلسه ثانيه تكون اب 1000 لانه اول مره يعطونج كريمات وخرابيط

يالله الحين دور التقرير

صراحه كان تعذيب نفسي وجسدي لانه حسيت انه ويهي بيتقطع انا اول مره في حياتي اسوي شي في ويهي من غير الخرابيط طبعا اللي احطها بروحي في البيت بس عمري ما سويت شي في الصالونات او عيادات

المهم اول شي حطتلي كريم على خدودي بس قالت هذا مرطب وبعدين يت دكتوره ثانيه قالت هاي بتساعدني قلت في خاطري لا مذبوحه مذبوحه انا اليوم

المهم يت الثانيه ويابت ابره انا شفت الابره يتني جلطه في النفوخ لانه ربيعتكم اخس عن جازوره قلتلهم انا بسير البيت مابا شي

منو قال خلوني قالت انه بتخقن مكان الاثار عسب ما اتويع يوم يحطون الماسك يعني مثل تخدير موضعي

بعدين يابت الماسك ولونه اخضر وراوتني اياه وخلطته جدامي
تعرفون شو ريحته ؟؟؟؟؟؟؟؟؟؟؟؟؟ والله بتضحكون
ريحته عوووووووووووووومه والله تحسين انه عومه مدقوقه ومخلوطه بماي

حتى يوم حطوه على ويهي حسيت جني داشه البحر

المهم يلسوا اونه يسولوي مساج تعذيب يعني عقب مادري شو حطت الصراحه وخلتني يمكن نص ساعه بعدين يت شلته وحطتلي كريم

قالتلي لا تغسلين ويهج بماي لين يوم الخميس ويهي غدا طماطه طبعا قالتلي باجر بيكون اوكي الحين بس محمر
وعطتني لوشن منظف وكريمين قالت اللوشن هذا الماي مالج كل ما بغيتي نظفي ويهج به والكريم حطيه مرتين اخطليهم ويا بعض وحطيهم مرتين في اليوم

اول ما رديت طبعا ييت وقلتلكم اني ييت بس كنت تعبانه
اليوم ويهي اوكي بس احسه مشدود وباجر بيبدا يقشر هي جي قالت يوم الاربع بيدا يقشر بس طرف خشمي بدا يقشر اليوم


مممممممممممممم شو بعد ؟
ماعرف شو اقول اذا تبون تسألون عن اي شي انا في الخدمه
مع السلامه

ههههههه اتصدقييييييين خفت خفت من اللي سوا فيج والله
ابره وعفصه ليش وين داشه انتي الله يعينج والله
احيين اهم شيء النتيجه اتمنى اتكون اوكي

اناافكر في الماسك الصراحه ...

احين ببشووف شو نتيجة التقشير الاخضر وياج

وعقب بقرر


يارب تطلعين حلى ملالالالالالالالاك
:24:

THE EYES

هلا اختي....

اول سؤال وضروري كيف توضين للصلاه؟؟؟؟؟ و لا سرتي في فتره الدوره؟؟؟

وبعدين يابت الابره وتمت تضرب على كل مكان اثر و لا حبوب؟؟ و كان في الم؟؟؟ وما عطتج مسكن يعني حبوب بروفين؟؟؟

نتريا النتايج و الله يعينج...وان شا ءالله تحصلين عل النتيجه اللي تبينها بصراحه اختي انا بسير عندهم اسوي فيشل قبل و اقيس النبض وعقب بقرر من بعد استخاره لأني خاطري اسوي لظهري علشان اثر الحبوب بس جان ما اسير لهم لفتره التقشير ايام الدوره علشان الصلاه

:24: