بنات دبي ,, زائرات دبي ,, ياليت تتفضلن مشكورات ,, والله يجزاكن كل خير

اذا حابه اسواق فخمه شوفي انا بصراحه لحد الحين ما شفت احلى من وافي سيتي مررررررررررررره راقي ومو زحمه مثل السيتي سنتر(وهذا اهم شي فيه) وفخم مره وما يجيه الا ناس معظمهم من الطبقه الراقيه لانه غالي وفيه كل شي من عطور ودخون وملابس ومجوهرات وبوتيك لشانيل ومحل طرح وعبايات
اما فيه مطعم لبناني اسمه قوديز خياااااااااااااااااااااااااال اكلهم مررررررررررررررررررره روعه جربيه والله العظيم تدعين لي

اذا حابه تسوق لكل افراد العائله شوفي السيتي سنتر مره يوسع الصدر بس تراه دايم مزحوم لانه فيه كل شي ...تسوق ومطاعم وسينما و..........

مرحبا أختي

أنا أنصحج تروحين السيتي سنتر ( صح انه زحمه ) بس فيه كل محلات ملابس و محلات شيل و عبايا و ماجيك بلانت الي هو العاب للاطفال و مطاعم و سينما

و عندج محل MY FAIR LADY الصراحه هالمحل احلى محل للعبايا الساده يضبط لج العبايه و هو في ابراج الامارات في دبي

و عندج منطقة جميرا فيها مركز ماركاتو بس مافيه وايد اشياء هالمركز

و عندج برجمان فيه محلات ماركات

و بعد عندج مركز ابو هيل كله شيل و عبايا

وفي حديقة الحيوان الي في جميرا يمدحونها:42:

و مركز وافي الي تكلمت عنه الاخت

و السمووحه

مـــلــكــــة

sweety_eyes



مشكورااااات حبيباتي :26: .. يعطين الف عافيه .. ماقصرتوا والله .. :27:




بس وين بنات الامارااااات :42:


ما كان العشم والله :(

!!

والله يافوضاويه مرحبا الساع فيج عندنا
وانا أستغرب حد يسأل وين يروح في دبي
لأني ببساطه احس سمعة اسواق دبي سابقتها خصوصا عندكم ياأخواتي السعوديات والكويتيات وماشا الله عليكم ماينخاف عليكم وأشوفهم في كل مكان يدلون كل الأسواق
بس إذا إنتي ماجيتي من ست سنين ترا بتشوفين عالم ثاني نحنا ننام نصبح نلاقي مركز تسوق مفتوح عندنا جديد
عنج
سيتي سنتر كل شي تبغينه في مكان واحد
حمر عين سنتر
وافي سنتر
برجمان سنتر
مركاتو سنتر جميرا سنتر
سنشري مول
بن سوقات مول
الغرير سنتر
جميرا سنتر
والملا بلازا
وكثير غيرهم بدون عدد
كل اللي ذكرتيه موجود عندهم
بس إذا تبغين أسعار عبي وشيل متوسطه ورخيصه وحلوه في بوهيل أسعارهم معقوله جدا وثلاث طوابق كله عبايات
سوق مرشد ( بالجمله)وسوق نايف وسوق الوصل وسوق عكاظ كلهم اسواق شعبيه وأسعارها جدا معقوله ورخيصه
وسوق المنال كلهم في مكان واحد للهدايا وعندج سوق الذهب خيالي
نحنا اهل دبي اكثر شي صراحه نتسوق من سيتي سنتر لأنه فيه كل شي في مكان واحد
أنصحج تروحين دايما الساعه عشره الصبح قبل الزحمه ولاترا ماتعرفين تتسوقين ولاتحاولين تروحين في عطلة نهاية الأسبوع ترا ماتعرفين تمشين من الزحمه
عندج حديقة وندر لاند للألعاب الكهربائيه الكبيره ووايلد وادي للسباحه والألعاب المائيه روووووووووووعه
عندج كل شي حلو في دبي بس إتأخرتوا وايد خلص مهرجان الصيف وكانت فيه فعاليات في كل مكان
وإذا بغيت أي شي ترا نحنا في الخدمه راسليني على الخاص وإذا حتى بغيت آخذك بسيارتي وين تبغين ترا عندي أجازه قبل ماتخلص لحقي عمرج
مرحبا بج
:26: :26: :26: :26: :26:

الغااااااليه قمة التواضع
ماقصرتي حبيبتي يعطيك الف الف عافيه
عن جد ردك فادني كثير... تسلمين :26:
يشرفني والله اتعرف عليك
كلك ذووووق :27: