بنات دبي !! شفت البارحة ورق جدران في سوق نايف !!يجنن!!

بنات دبي !!

رحت البارحة سوق نايف أدور محل للمفارش الإسبانية وييجي مع المفرش طقم كامل وسلة المهملات والستاير والخداديات وكل شي تشتري القطع اللي تلزمك بنفس اللون !!!


المهم ما لقيت المحل ...............:29:


لكن تدرون شنو لقيت ؟؟؟:42:


لقيت محل لورق الجدران القابل للمسح والغسل بالماء والصابون وحتى الكلوركس !!
شو ألوان ؟؟؟؟ ونقشات !!!! نفس اللي بالفلل الفاخرة والقصور !!!


والأحلى أنه محل بالجملة ويبيعك بسعر رخيييييييييييص !!

الرول يكفي مساحة X5x5متر وسعره يبدأ من 15 درهم للرول ويصل حتى 60 وهذا الأخير رائئئئئئئئئئئئئئئئئئئئع وممتاز وفخم .

وعلبة الغراء الخاص بعشرة دراهم .
وأجرة العامل 20 درهم للرول .

بنات أنا كنت داهنة الممرات باللون الأزرق الفاتح ويميل إلى الرصاصي واكتشفت بعد أقل من شهرين أنه غير مناسب للممر لأن الأولاد جعلوه مئة لون !!! حتى بقع الماء تطبع عليه ...ان شاء الله بعمل ورق جدران بطول متر واحد فقط وأبقي اللون من الأعلى .