بنات دبي , صديقتي تبي مساعدتكم لمعرفة ......

الى الان ما رد احد ؟ هي مسافرة بكرة :(

فندق مينا السلام من أروع الفنادق الموجودة في دبي.. هو عبارة عن 3 فنادق (مينا السلام ، القصر ، دار المصيف)
أنا قضيت أول أيامي في القصر قبل ما أسافر شهر العسل... مينا السلام حججره أصغر من القصر و القصر غرفه أصغر من دار المصيف ، ودار المصيف عبارة عن فلل مثل شاليهات وهو الأرقى من بينهم..
اللي ما يزور هالمكان كأنه ضاع نص عمره...
عندج برج العرب ، جميرا بيتش ، أبراج الإمارات ، شنغريللا ، غراند حياة ، حياة الرجنسي ، رويال ميراج ، البستان روتانا ، رحاب روتانا سويتس ، لوميريديان المطار،......الخ

ممكن تزور هالأماكن للتسوق..
سوق جميرا (موجود في مينا السلام)
ديرة سيتي سنتر
برجمان
وافي
ميركاتو
صحارى (في الشارجة بس قريب على دبي)
اللامسي بلازا
تاون سنتر
البستان
الملا بلازا
القرية العالمية بعدها موجودة الين آخر شهر 3
مركز الغرير..
مركز مزايا
مركز الواحة
الريف مول (وحذاله شي ماركس وسبنسر وتويز آر أص)
حمرعين
الميغا مول (في الشارجة)
مركز المنال
مركز الهنا

المطاعم..
شارع الرقة كله مطاعم كذلك شارع الضيافة..
مطعم الأوبرج
مطعم الدار
مطعم أرسلان
مطعم صدف
مطعم بارس
تشاينا تاون
مطعم بيروت
مطعم حاتم..............الخ
(سلسلة المطاعم الموجودة في الفنادق هي من أرقى المطاعم في دبي)

السينيمات واااااااااايد..
في سينما في السيتي سنتر (سيني ستار)
في مركز الغرير بعد شي سينما..
الأفلام الهندية (سينما دبي) ، (سينما النصر)
في صحارى في سينما بس ما أدري إذا فتحوها ولا لأ..
(أنا مب من النوع اللي يروح سينيمات فما أذكر وين موجوده بالضبط)

إذا هي من النوع اللي تحب تزور حدايق..
حديقة الخور
حديقة الممزر
حديقة الصفا
حديقة الحيوانات!!!! :)

سوق الذهب
سوق عكاظ
سوق نايف
مينا بازار
السوق الجديم
مركز التنين (القرية الصينية)
سوق مرشد
فريج المرر (خييايييط ومخاوير)

مخي بركن (يعني وقّف)!!!
إذا ذكرت شي بضيفه...

تحياتي..
وتمنياتي لربيعتج بإقامة موفقة في دبي..
وقوليلها لا تنسين صوغتي!!!! :D

مشكوووووووووووووووووووووووووورة والله ما قصرتي , هي تسال عن مطاعم فخمة في الفنادق بس مميزة " ابي اسمها " , و اذا عندكم ماركة " فندي " وين يبيعيونها ؟

صوغتي لا تنسينها يا أم حصة قولي حق ربيعتج وإلا بكتب على جوازها ممنوع الدخول إلى دبي...
ممممممممممممممممممم..
أريد أتأمر..
انتي من وين عشان أعرف شو أطلب اتيبونلي!!! :21: :o :p :22: ;)

تامرين امر يالغالية اللي تبين :) ,,,, صديقتي من دار فيها الرطب و الكليجة و الشمغ والمباني الضخمة مثل " الفيصلية و المملكة " حزري فزري من وين ؟:D :