مرحبا خوااتي بنات دبي واللي يعرف دبي حته حته
بعد اسبوع بتسافر رفيجتي لدبي واول مرة تروح لها والله يسعدها ويوفقها اللي تجاوبني على اسألتي ويرزقها الزوج الصالح والذرية الصالحة ويوفقها في حياتها ويجمعها فيمن تحب يارب
المهم مالكم في الطويله
- بقيت استفسر عن احسن اسواق في دبي بس تكون اسعارهم مناسبة مو حيل حيل ولا شوي شوي يعني وسط
- واحسن محلات فساتين راقية وحلوه مرة حق الاعراس واسعارها مناسبه
- واحسن اماكن للتمشية يعني منتزهات واماكن سينما ومقاهي ومطاعم هندية وصينيه وشعبية
- ومحلات ملابس اطفال ومحلات العاب هم
والله يسعدها اللي ترد على اسألتي وابي مكانهم بالتفصيل يعني العنوان كامل
واسفة اذا طولت عليكم
*الأثــــــــير* @alathyr_4
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
اذا تبي مشتريات للهدايا والالعاب والاشياءالرخيصه ..عندنا سوق نايف وبجنبه مركز المنال فيه محلات للفساتين كثيره ..
- واحسن محلات فساتين راقية وحلوه مرة حق الاعراس واسعارها مناسبه
بالنسبه لهالسؤال ما اقدر افيدج بالتحديد لاني صارلي فتره ما رحت اعراس وما دورت فساتين ..
بس اغلب المراكز فيها محلات ...اللي اعرفه واسعارهم زينه مركز ميغا مول وصحارى في الشارقه
والمنال في دبي مثل ما قلت ..بس اشياء راقيه باسعار غاليه اغلب مراكز دبي ..
- واحسن اماكن للتمشية يعني منتزهات واماكن سينما ومقاهي ومطاعم هندية وصينيه وشعبية
عندنا حدايق كثيره والسينمات في كثير من المراكز انا ماروح الصراحه سينما ..
ولا مقاهي ..مطاعم هنديه قصر الهند ...قيصر..مطاعم ايرانيه صدف وبارس ..مطاعم صينيه مو مجربه ريلي ما يحب ..شعبيه اغلبها مندي وهالسوالف وانا ما احب المندي خخخخخخخ
- ومحلات ملابس اطفال ومحلات العاب هم
كل السناتر فيها ...فيه محلات الهدايا والالعاب ...القبائل ..مركز البسام ..مركز الهدايا ..
الحين بقولج عالسانتر الفخمه اكيد تعرفينهم مول الامارات ..بن بطوطه
سناتر ثانيه برجمان ..الغريرصح عندهم فساتين
سيتي سنتر ..الريف سنتر..حمر عين ..
اسمحيلي اذا الكلام ملخبط ولدي بهدلني ...وان شاء الله تستانس اختج ..