بسم الله الرحمن الرحيم
عيوني تسلمي وتروحي يارب تنبسطي..
بالنسبه للسوفتيل هو فندق راقي وتجيك الغرفه عاده مع الفطور.. وهذا احلا شي..
بالنسبه للاسعار مااعرف بس باسالج ابوي الله يحفظه..
بالنسبه للفندق ففيه باب داخلي يفتح مباشره على مجمع السيتي سنتر ومثل ماقلت لج فيه كل شي هو سوق وفيه مطاعم اللي تبين وفيه مقاهي.. ومحلات ياما ..هايبر ماركت.. مكاتب وسينما وكل مايشتهي قلبج يعني ماتحتاجين تطلعين بالحر..
بالنسبه للسينما نعم مترجمه وب30 درهم واتذكر انها تقفل متاخر خواتي مره سهروا على فيلم لين الساعه 2 بالفجر وردوا بروحهم والدنيا امان...
توكلوا ياعيني على الله وروحوا وانبسطوا..
بس لاتنسون تسلمون لي على دبي

السلام عليكم ليان

مع اني ما قط سافرت لدبي بش ابقولك اللي اعرفه :)

الافضل تشوفون لكم حجز للفندق عن طريق المكاتب اللي في السعودية وزي ما قالوا البنات سوفتيل سيتي سنتر خيار جيد جدا تضربون عصفورين بحجر سكن مستوى راقي وسعر جيد والتسوق كله عندكم
الممر يوصل من الفندق لمركز التسوق وكل شى تحت ايدكم.. السينما ومدينة ترفيهية لاخوانج الصغار تسوق مستوى ممتاز والسينما يا حلاتها كذا صالة تعرض اكثر من فيلم بنفس الوقت واحدث الافلام
بالنسبة للوالد تطمنى لانكم راح تكونون كانكم طالعيين تتمشون في الحي اللي ساكنين فيه.. وعلى فكرة مدينة مدهش الترفيهيه قريبة من موقعكم جدا واللي في نفس الوفت قريب من المطار يعني ما راح تاخذون وقت للتنقلات. لازم تخصصون يوم اما للوايلد وادي وهي الحديقة المائيه او الوندرلاند وهاذي قريبة من السيتي سنتر
ما ادري بس اقترح للايام اللي بتروحون فيها مدهش او مول الامارات للتزحلق على الجليد ان الوالد يأجر سيارة وياخذ خريطة وعلى فكرة السيتي سنتر فيه تاجير سيارات
مول الامارات خصصوا له يوم مع ابن بطوطة مول لانهم في نفس الشارع ويحتاجون منكم يوم كامل
خصصوا نص يوم لمدينة جميرا و ميناء السلام يعنى يا تغدوا وتمشوا او تمشي وعشا
الفستيفال سيتى قريب بعد من موقعكم في السيتي سنتر استغلوا الفرصة وروحوا له يوم يونس بعد
نسيت اقولج ترا في فندق ممتاز متصل بمول الامارات وهذا خيار اخر للسكن بس اسمه مو على بالي الحيين
انصح انج تجربين زيارة متحف دبي وقرية الغوص والتراث من باب الاستكشاف في يوم واحد
المجمعات الحيين كلها اجواء احتفالات مفاجأت الصيف يعني مجرد القعده تونس وبعد في عروض وتخفيضات :)
على فكرة مجمعات واسواق دبي احلى من البحرين بمراحل
اذا بغيت تعرفين اكثر لا تترددين في سؤالي انا من اهل دبي

يسلمووووووووووو بناات على ردكم

Mawaz
مشكوره
بس تعالي كيف مارحتي دبي!! وانتي من اهل دبي!!!!!!

هلا ليان
حبيبتي انا قلت انا ما قط سافرت لدبي وانا الصادقة انا عايشة فيها اشلون اسافر لها ;)

ان شاء الله تستانسون بزيارتكم اذا عزمتوا تزورونا حياكم الله :)
اذا بغيت اي معلومه حاضرين بس قبل لا اسافر

بسم الله الرحمن الرحيم
فندق الامارات مول الكمبيكسي..
الصراحه مازرته يوم بس اهلي اسكنوا فيه مره انا ماكنت معاهم فيه..
يقولون ارقى واحلى واوسع من السوفيتيل بس اغلى وتكونين بعيده عن كل شي..
الصراحه اني احب السيتي سنتر اكثر الصراحه اشرح واونس من الامارات مول عشان كذا افضل السوفيتيل..
بس اهم شي ليان اذا رحتي ورجعتي بالسلامه لازم تعلمينا ايش صار معاج..
والله يسهل دروبكم..
بس اذا رحتوا خذوني معاكم حتى لو تودوني بوحده من شناطكم راضيه بس اروح دبي:29: :06: