بنات دبي،، من عندها فكره عن مستشفى ا لوصل؟

هلا أختي
كلامج كله صح ... بما إني موظفه فالوصل
لازم تراجعين أقرب عياده لج وتفتحين ملف عندهم
وأول ما تدخلين الرابع ... قولي حق دكتورج إلي فالعيادة تحولج
أصلا هي ع طوول بتحولج

من كثر الزحمة إلي عدنا .. مانستقبل حد إلا من الشهر الرابع ,,, إلا لا سمح الله إذا الوحده عندها مشاكل فالحمل ... يفتحولها ملف ..

وأي أستفساار .. حاظرييييييييين

مشكوره حبيبتي

بس انا ما قالولي جي

قالولي في الشهر الرابع اراجع العياده ( راجعت العياده و قالولي ما نبي نشفج الا لما تخلصين الثالث)

العياده في الشهر الرابع بيعطن تحويل للوصل علشان فتح الملف

و بعدها المراجعات بتكون بالعياده لين الولاده

صح كلامهم ولا كيف؟


انا في بدايه حملي تنومت بالوصل
و عطوني موعد مراجعه بعد 6 اسابيع

توني اكتشفت اليوم
انه الموعد بعياده امراض النساء مو الحمل مع انه بوقت الموعد تقريبا بيكون باقيلي 3 ايام و ادخل الرابع

انا فتحت ملف في الخامس والحمدالله ماولدت عندهم ربيعتي بنفس اليوم الي انا ولدت فيه هيه ولدت بس بقيصريه ماصبروا عليها وانا ولدت بعيادة خاصه وصبروا عليه وولدت طبيعي الحمدالله

الوصل معاملتهم تغيرت الصراحه وايد وحتى عشان الخياطه ابدا مش تمام هذا مجرد راي

مرحبا الغاليه

انا اختي ربت عندهم بس ما كانت فاتحه ملف لانها ما كانت تراجع عندهم

نيرسات الي يولدونج بس الخياطه سوتلها وحده سودانيه الله لااااااااااا يراويج زفته الخياطه و صدق تلعوزت بس هيه تمدح المستشفى من ناحية النظافه و المعامله

الغاليه honey_lipes

في اي عياده ولدتي ؟؟؟

لا تخوفوني بنات

انا ملفي في الوصل ما اقدر اروح مستشفى ثاني

و سالفه الخاص صعبه شوي
يعني مراجعات ممكن بس ولاده صعبه من ناحيه الميزانيه