بنات دبي والشارجة واللي يقدر يفيدني تفضلوا لو سمحتوا

للرفع

ونحن بالانتظار :)

هلا الغالية .. توني رديت تقريبا على نفس الاسئلة في موضوع ثاني :)

هلا وغلاااا فيج يالغالية في الامارات ..

الغالية اول شيء شوفي هذا الرابط للغالية بنوته.. ماشاء الله ما خلت معلومة عن دبي ماحطتها ..

http://forum.hawaaworld.com/showthr...%C 9+%CF%C8%ED

..

وبالنسبة لمحلات العبايات .. عندج مركز بوهيل تبدأ اسعارهم لطقم الشيله والعباية من ال 300 درهم وفوق.. عندج في ابراج الامارات محل ماي فير ليدي.. حلو ..
عندج محل اسمه حناين - لارين - الاختيار الاول - حبايبيب .. طبعا هذي المحلات الاخيره راقية فالاسعار شوي اغلى ..


اما عن محلات الجلابيات.. عندج سوق عكتظ للجلابيات الي اسعارها واايد معقولة .. عندج سوق مينا بزار.. عندهم جلابيات وازياء هندية راقية والاسعار حلوة خاصة في محل شيتال..
عندج بعد محل راجو عدال مركز حمرعين .. جلاليبهم حلوة والاسعار احلى ..
وكشخة بلازا عدال مركز بوهيل .. وفي مركز البستان عندج اكثر من محل جلابيات .. وخاصة الهودج بتحصلين فيه اشياء حلوة ..


بالنسبة لمحل البلايز والتنانير.. ف نحصلين في مراكز دبي كل الي تبين .. اذا تبين ماركات وشي راقي واايد سيري مركز برجمان ووافي.. واذا تبين تاخذين من محلات اول مرة تفتح في الخليج سيري مول الامارات .. توه فاتح يديد..


محلات للاقمشة .. عندج مركز البستان .. مركز المنال والسوق الي عداله .. مركز الغرير. واذا تبين في الشارجة بتحصلين قطع راقية واسعارهم ارخص من دبي.. في سوق الشارجة المركزي


واذا تذكرت اي شي ثاني ان شاء الله بضيف..

هلا والله وغلا :)

الغالية الرابط مااشتغل معاي :(

وتسلمييييييين ع باقي المعلومات اللي راح تفيدني واايد إن شاء الله

يزاج الله خير غاليتي
دومج ما تقصرين والله
الله يعطيج العافية

وبانتظار إضافات باقي البنات :)

http://forum.hawaaworld.com/showthread.php?t=340198

يسلمووووو :)