بنات دبي والعين وعجمان والشارقة .............؟

المخاوير بالشارجه محل اسمه غرناطه وفي بعد العروسه,, واصلا هذاك الشارع كله خياييط ومخوريه
العبي والشيل في اماكن غاليه معروفه وفي بو هيل,, اشايء راقيه وحلوه بس سيري وانتي متفيقه ودوري
صياني العطر و هالسوالف ماشي غير اليرانيه االي في السوق الجديم فالشارجه أنا اسير اماكن غاليه عقب اتفاجأ انه عندهم نفس البضاعه وارخص ,, والله اشياء راقيه حتى اسواق الأمارت في عيمان تراه عندهم اشياء راقيه فعلا
ما عليج من السعر,, مب لازم يكون غالي عشان يكون حلو

مرحبا أختي .. بالنسبه للعين ..

المطرزات و المخاوير ..
خياييط المويجعي كلها .. خياييط الجيمي .. خياييط المناصير .. محلات مسفر في شارع الجوازات القديم ..


أدوات المطبخ ..
هوم سنتر في العين مول .. كارفور في مركز الجيمي .. محلات الهرمودي و كذا محل مقابل سوق الذهب عند الجسر..


العبايا والشيل ..
شارع التخطيط جنب مكتبة الإمارات كله محلات عبي و شيل .. محل دهن عود و صاحبته موجوده في المنتدى ..
رمادا في العين مول ..


صواني العطور ..
محلات العافيه .. الحرمين .. السلامي .. سويس أريبيان .. كلها في سوق الذهب عند الجسر ..


و حاليا معرض الخبيصي مفتوح من بداية الشهر .. بس ما أعرف شو البضاعه المعروضه لأني ما رحت له ..

بالتوفيق أختي ..:26:

تفضلي دووري في هالرابط :)

http://forum.hawaaworld.com/showthread.php?threadid=122329

http://forum.hawaaworld.com/showthread.php?threadid=172820


و ادعيلنا :)

مرحبا..
أنا من دبي..
المخاوير في فريج المرر في دبي مخاويرهم جنااااااااااااان عندج بوسالم ، الشيبة ، الروضة ، ..... وايد محلات انتي لوتدخلين فريج المرر بتلاقين واااااايد أشياء عندهم..

بالنسبة لأدوات المطبخ والصحون الحلوة عندج مركز اللولو عنده وااااااااايد أشياء أنا آخذ من عندهم وفي مركز القبائل جدام حمرعين عندهم صحون جناااااااااااااااااان بالذات صحون التقديم والعزايم (يعني حق يوم حد بييج)..

العبي والشيل في محلات غالية (إلليت في مركز بالم سترب ، ماي فير ليدي في أبراج الإمارات ، ميدنايت في صحارى ، فيرست جويس في سيتي سنتر وصحارى و..... ما أكر بعد ، سويت ليدي في الملا بلازا ، الحلوة في الملا بلازا والبستان ، غواني في البستان ، فيرست ليدي ماعرف وين مكانه ، المتحجبة في حمرعين ، مركز الغرير فيه محلات عبي وشيل حلوة وعلى ما أعتقد فيه حناين وحبايب ، ..........) وعندج مركز بوهيل المعروف واللي كل حد ييرله في دبي..

في في مركز بوهيل بعد تحت محلات تبيع جلابيات حلوة مناسبة حق البيت بالذات إذا كنتي عروس قطعهم أحلى عن اللي في سوق عكاظ و أسعارهم بين 50 و 250..

صواني العطور بتلاقينهم في السوق الجديم في الشارجة..

تحياتي..
شمـــ وفا ـــعة..

طبعا انا من دبي يعني يخبركم عن اللي في دبي



اول شي محلات للقطع والاقمشة


الفساتين في شارع الرقة محلات وووايد ((مهنا افراح- وفيا روما))


واما القمشة مال التنانير (( في السطوة محلات ووايد مثل

طاهر - ريجال- سرور قطع حلوة مثل الشيفون والكريب ولجنز
والاسعار ووايد حلوة))


الخيايط العادين بس اللي ايظبطون الخياطة مثل التنانير

في الحمرية خياط اسمة صدف الصراحة الخياطة ووايد زينة وعلى الوقت

اما عن السراويل عندج فاضل وين سوق الذهب - وفقير بعد في نايف))

وبعد بغيت اخبركم عن باكساتنية اتسوي جلابيات ووايد حلوة وخصوصا للعروس لليلسة في البيت اسمها قرشية واسعارها حلوة اتسوي لج فيها شرات التطريز بس باليد



وبعد من المخاوير الزينة عندكم فقير ووايد حلوة للعرايس

وبعد على مال اللة وراء سوق الذهب ووايد مخاوير وووايد

وبعد في الراس مخور اسمة على خليفة وعمر

وبعد في فريج المرر ووايد للمغربيات اهم شي القطعة تراها تلعب دور في الموديل
المخاوير هم

على سيف

عمر

ندالشبا

سيف

اما عن اللي وراء سوق الذهب اول ما تدخلين السوق الذهب اتلفين يسار اتشوفين اول سكة على يدج اليمين
داخل تتدخلين

المخاوير الزينة هناك


البداووي((احسن واحد))
سلطان ابراهيم
على مال اللة
الجميم


وين احسن المحلات اللي ممكن العروس تروح وتشتري منهم


1- أجمل..عطوراتهم حلوة ومعروفين من ناحية العطورات والمخلطات والدهن العود وكل عروس تاخذ من عندهم

2-الرصاصي عطورات غاوية ومعروف وخصوصا عدنا في الامارات وكل عروس تاخذ من عندهم

3- القرشي معروف اكثر في السعودية وعدنا في الامارات مش عريق بس بعد عطوراتهم وووايد غاوية وغالية وووايد


هذيل المحلات المعروف وكل حد ايعرفهم


اما في محلات ثانية عندهم اشياء حلوة وزينة ومن المحلات الجديمة والمحلات انعرفها وخصوصا اللي في سوق مرشد


عندكم محلات بن فارس مال العطورات عودهم ووايد غاوي وحتا العطورات وعندهم عطر فراش ووايد غاوي انا دايما اخذ من عندهم

الحرمين بعد العطورات زينة بس مش للعروس لا مال البيت يعني عادية


اما عن الحريم واكثر العرايس ياخذو من عندهم وخصوصا الدخون والعود المعطر والمخمرية


الحريم اللي اعرفهم في دبي


1- شقرا لوتاة
2- فضة لوتاة
3- حمامة
هذيل المعروفات واللي الباقيات الامن عقبهم بس دخونهم وعطوراتهم ررروعة ومعروفة وكل عروس تاخذ من عندهم وفي الحريم الثانيات بعد في بعضهم اتحصلون عندهم


اما العطورات الفرنسية

1- باريس غاليري معروف والموزع الوحيد اقصد الوكيل نسيت اخبركم عندهم عطر روعة ما اعرف شو اسمة ربيعتي ما خذة منة وغالي مال الحريم 750 واليايل 500 بس واللة واللة رررروعة يستاهل

وعقب مايخلص اترجيعن الغرشة ويعبونها لج بنصف السعر

2- اريج عطورات حلوة شرات باريس غاليري


اما االمحلات الثانية الريخصة اللي اتبيع مقلدة بس زينة مش تعبانة وواي


1- ماي للعطور
2- وبعد في وحدة في السطوة نسيت اسمة عند مكتبة 2000
3- وبعد في مركز بوهيل تحت البنات يمدحونة



وهذي من احسن محلات العبي والشيل

حناين ( سيتي سنتر - مركز الغرير )
غواني ( مركز الواحة )
ماي فير ليدي ( أبراج الامارات )
سويت ليدي ( مركز الغرير)
(مركز بوهيل) محلات ووايد منها الزينة
بدون اسم ( مركز صحارى )
منتصف الليل ( مركز صحارى )
فيرست شويس ( ميغا مول )
إيف أند بلاك ( ميغا مول )
بلودان(في جميرا بلازا)
لارين(في مركز وافي)
غشوة الزين(مركز الواحة)