بنات دشو دشووو بليز 😿

هههههههه كل شي بتلقين له حل الا الطوول

الله يسعدك المنتدى فيه كثير مواضيع تجاوب على أسئلتك بس انتي دوري في الأقسام وبتلقين اللي يسمن واللي يبيض وجداول تنظيم وكككككل شئ
أما إخوانك فما ينفع معهم إلا التغافل لاتوقفين على كل كبيره وصغيرة بتتعبين
والله يرزقك بر أمك
أما كيف تباني قصيره فهذه ممكن بطريقة وحده هي البسي الأشياء اللي تناسبك وتخلي طولك حلللو وكمان تسريحة شعرك غيريها وكل هذا اسألي عنه في قوقل وفي منتدانا
أما مكالماتك فالله غفور رحيم انتي بس جاهدي نفسك على الطاعه وابتعدي عن المعصية وكلنا خطاؤون والله يرحم حالنا
أتمنى اني افدتك
تحيااااتي لك

النحافه : علاجها الاكل وفتح الشهيه اذا كان عندك مشكله بالشهيه

وتقدرين تزيدين وزنك اذا اكلتي 3 وجبات رئيسيه دسمه مع وجبات اللي تسمن بينها او بعدها

مثل :

حليب كامل الدسم وكلي معه 5 تمرات وغمسيها بملعقتين كبار طحينه سايله وهذي جربوها كثير ونفعت مع الاستمرار

أو مكسرات مشكله جوز لوز فستق كاجو فول سوداني من كل نوع بمقدار فنجان القهوه واشربي قبله او بعده حليب كامل الدسم وملعقه عسل

وفي ناس صارو ياكلون نوتيلا وزبدة الفول السوداني وحلاوة طحينيه من كل نوع ملعقه كبيره ويشربون معها حليب

اختاري اللي يعجبك ومع الوقت يزيد وزنك




البياض : ماعندي فكرة وعن نفسي ما اصدق الكريمات لانك ماراح تستفيدين منها الا لمنطقه معينه مثل الوجه او اليدين هذا اذا فعلاً كانت تنفع

ومدري اذا حبوب التبييض تنفع وآمنه ان شاء الله يفيدونك اللي يردون

وبالنسبه لي اشوف ان الوحده يكون لونها موحد وبشره صحيه نظره اهم من انك تسعين للبياض





الغيره : علاجها انك تكونين راضيه وعندك قناعه باللي الله قدره وقسمه لك وتحبين نفسك مثل ما انتي واهم شي تحمدين الله على تمام الخلقه والعافيه والصحه

شوفي المستشفيات كم فيها مرضى يتمنون العافيه مايبون شي ثاني لا جمال ولا فلوس

وشوفي غيرك من الفقراء والايتام اللي جد محتاجين لكن حامدين الله وراضيين




وحطي في بالك ان البياض لا يعني انك بتكونين اجمل انسانه والكل يحبك ، لان الناس تعاشر اخلاقك ونفسيتك اما شكلك بينبهرون فيه اسبوعين او شهرين ثم يصير عادي مايجذبهم لانهم تعودو عليه

وتقدرين تهتمين بنفسك وببشرتك وتبرزين جمالك سواء بشعرك او ستايل لبسك وابتسامتك بإنك تهتمين بأسنانك وتضبطينها اذا محتاجه




القرآن : كل يوم او كل اسبوع احفظي كم آيه وراجعيها كل فتره ، وعلى فكره انك تتدبرين الايات وتتأملين في معناها افضل من انك تحفظين لمجرد الحفظ عشان يقولون فلانه حافظه القرآن




الله يشرح صدرك وييسر امرك