بنات رياض الخبرا والبكيريه تعال ابسألكن؟!

يابنات رياض الخبراتكفن تكفن تكفن تكفن تكفن
عطني تجاربكن مستشفى رياض الخبرا
يعني أحسن هو ولا مستشفى البكيريه
ماعلي من نفسيات الممرضات ولا الدكتوره
علي من الخيااااااااااااطه 4سنوات مهبله فيني
هالخياطه طبعا انا سبق وولدت بالبكيريه وع يد
الدكتور ناظم بس فيه فلبينيه عصلوق الله لايوفقها
وين ماتودي خشتها بنت الحيوان لما خيطني الدكتور
قال بلييييز بترجاك لاتجين عندنا بولادتك الثانيه
روحي لبريده اوعنيزه عذبتينااا ويقعد يضحك
حسيته معطيني كف يوم قال هالكلام وبعدين
قالها كليين مدري وش؟! أيام فينش
يعني بالعربي نظفي المنطقه انا خلصت
والحيوانه جت واخذت مقص وابره وهي تقطع لها خيط
من الخيوط وشوفها تسولف مع
خويتها بس مو فاهمه منها ولا حرف
وخويتها تطالع فيني ثم تطالع فيها والله يابنات كانها تنبهني
عن هالممرضه طبعا هذي اللي تطالع فيني هنديه وحبوبه
اما القشرا فلبينيه ونحيفه والظاهر الظاهر عليها نظاره
وانا اصرخ عليها واقول ايش تسوين
وهي تقول مافي شي مافي شي
ويرمني بالسيب وماسمع غير ضحكهن واستهبالهن
عاد انا كنت بكريه وماعرف شي بس كانت هالممرضه
نفسيتها قشرا وصرخت عليها لانها تصارخ علي ولعنتها
وقلت ليتك بمكاني عشان تحسين باللي احسه وابكي


عاد بعد الاربعين رحت لدكتوره قالت انتي متووسعه ويبيلك
خياطه تعالي أخيطك ب2000 انا من فين لي 2000
إذا كثرت فلوس 500وشلون عاد2000
بس واطلع وهتم بنفسي ويالله يالله سترك
حسبي الله عليها
فخايفه اروح ولقها وانا مابيها
بس فيه بنات مدحوا لي رياض الخبرا
واختي كمان جربتهم كلهم بس تقول رياض الخبرا أحلى
شي يخيطونك من جوا اما البكيريه اسم بس من برا
تقول اللي ولدتها بالبكيريه دكتوره باكستانيه مدري هنديه
المهم شعرها طويل وفاكته عاد خايفه تولدني وتحوس نفسيتي
زياده
والله مدري وش انا كاتبه هههههههههه
الزبده وش راااااااااايكم برياض الخبرا وايهم
احسن الدكتور ولا الدكتوره ماجده مدري مجيده اللي هي