بنات زوجي ارسل اغراضي لبيت اهلي كلها كامله بدباب

حبيت ابلغكم اني اليوم صحيت ولقيت زوجي جايب اغراضي بسيارته ودباب محمل عفشي كله يعني بيتي انخرب خلاص ولاينفع لااكلمه ولاابرر له لان الشيطان بدأ يلعب بعبه ولوكلمته وش اقوله اقوله دخلت وواحده من اخواتي بغت تضرب امي وامي طلعت من البيت تلكي ومتألمه ولحقت وراها لبيتها بمكه وش بيكون موقفه منا كعايله مفككه وعايله فيها عقوق واناادرى الناس بزوجي لوقلتله السبب الحقيقي الي خلاني اطلع من بيت اهلي وانزل ورى امكي مكه راح يسامحني ويغفرلي لكن راح يمسكها علي ويقعد يدقق بالمشاكل وينبش بمشاكل اهلي لان زوجي فيه طبع اللقافه والتنبيش ملقوف بدرجه موطبيعيه وانا الي معطيته فكرة عن اهلي اننا عايله مثاليه مابيننا اي مشاكلالزبده بيتي خلاص انخرب وكلمه خاينه ماقالهالابوي قالها لي انا قال هذي تعتبر خيانه صغرى انك تنزلين مكه بدون ماتعلميني طيب وش اسوي ي نااس امي رايحه وتبكي من اختي وبتنزل مكه ترتاح بشقتها يومين من يهتم فيها من يداريها غيري كيف اترك امي كيف ؟!وش لون اصلح الموضوع ي بنات ابوي قاله نزلت مع امهاماانزلت لوحدها وابوي يحاول يصلح الامور ويقرب بيني وبين زوجي بس زوجي خلاص الي فهمته انه بايع وارسل كل عفشي واغراضوهذا بس لاني نزلت مكه ماشافني مع رجال بسرير ولامسك علي ممسك قوي تخليه يرسل اغراضي كلها علي حسبي الله ونعم الوكيل شورو علي ؟!والي تقول يراقبني ماايراقب هو بس لانه بين نزولي من سيارته ونزولي ورى امي اقل من ربع ساعه وكان وقت صلاه اتوقع انه ي كان بالمسجد اوقريب وشافني ونا نازله الحق ورى امي لاني دخلت الببت واابيت مولع نار بسبب مشاكل بين اختي وامي حسبي الله ونعم الوكيل

زوجك حمار ويدور الزلة
مايسوى اللي سواه  واللي قاله باين انه بايع

واكيد بينكم مشاكل وعلاقتكم مو تمام
عموما صار اللي صار لاتكلميه ولا تعتذري له
خليك في بيت ابوك  لو يبغاك بيرجعك
ساعتها تفاهمو على كل شي

فعلا اقسم بالله

زوجك ماسك عليك حاجة ولا شيء ؟
ولا انتي ليش سكتي له يوم قال خاينه ؟
ليش مو واثقه في نفسك وكان قلتي طز باللي يصير دام كبر الموضوع انتي بعد كبريه وحده في وحدة 
مستحيل هالحركة بدون سبب

في سبب خلاه يسووي كذا فيك 
ولا ممكن يشك كثير ولا يسمع قصص عن الشك الله يعينك الصدق

كثر البربرة ماتنفع
تبين بيتك وزوجك علميه بالحقيقة
وانتهى
الامر اذا وصل لخراب بيتك stop
كل شي لازم يتوضح وتنحط النقط ع الحروف
وماهو لازم تقولين له كل شي بالتفصيل
قولي له رؤؤس اقلام
امي واختي اختلفوا وامي زعلت من اختي وراحت مكة
وخلاص

بالنسبة للخيانه هو قصده الخيانه الكذب وانه يعتبر نزلتك من وراه فيها استغفال له ماهو بالمعنى اللي براسك وراس البعض

الرجال ارسل اغراضك كلها يعني عندك حلين لاثالث لهما
ياانك تضحين بحياتك وتكملين دس عنه
او انك تشترين حياتك معاه وتعلمينه بالحقيقه حتى لو كان بعايرك فيها

واصلا انتي من اول واضح ان زوجك لاانتي ولاهو طايقين بعضكم كل واحد كاره ف الثاني صفات مو عاجبته
علشان كذا اطلبي الله الخيرة بس