:26:

بصراحة كل دولة لها مميزاتها و حلاوتها ..

بالنسبة حق فرنسا و بالأخص باريس فهي روعة و الجو في شهر 1 بارد جدا لكن مو ثلج ، السوق حلو و غالي حبتين

ممكن تتسوقين في شارع الشانزلزيه و جاليريا لافايييت ( محل كبير ) حلو و فيه كل شيء تقريبا من اغلى الماركات الى ارخصها .. وشامل لجميع البضائع

و ممكن تاخذين باص السياحة و يدور فيكم في شوارع باريس الحلوة و ممكن اتزورين برج ايفيل و تصعدين فوق روعة المنظر و كذلك قوس النصر و زوري المتاحف التي لا تعد و لا تحصى ..

و في حي الرسامين نسيت اسمه بالفرنسي بالضبط هذا روعة كله رسامين ممكن يرسمونج خلال دقائق و في هذا الحي بعض المحلات الشعبية و محلات الذكرى و مطاعم و مقاهي و كنيسة روعة ..

و احلى شي ممكن اتجربينه في المقاهي هو الكريب و الوافلز مشهورين فيه بفرنسا ..

اما بالنسبة حق ايطاليا انا زرتها بالصيف كانت حارة و جوها تعيس بس بالشتاء يكون احلى و بارد طبعا ..

ايطاليا اللي يميزها عن فرنسا انه شعبها طيبين و ارخص من فرنسا من ناحية المعيشة و بالنسبة للسوق يعتمد الماركات العالمية نفس السعر لا يتغير لكن المحلات الثانيه فهي ارخص ..

ميلانو مشهورة بسوقها الكبير و مقاهي و تمشي

و ممكن اتزورين منطقه اسمها كومو هذي قمة بالروعة فيها بحيرة و هي قرية صغيره بس حلوة اتزورينها يومين بس كفاية تتمشين عالبحيرة و بالسوق و اتجربين الايس كريم الايطالي العجييييييب اللي عمري و حياتي ما ذقت مثله .. طبيعي 100 %

و ايضا فينيس روعة مدينة عمرج ما راح اتزورين مثلها و لا راح تلقين نفسها بالعالم ، مدينة يغمرها الماي ( مافي شوارع ) تتنقلين من مبنى الى مبنى بالمركب و ذلك بسبب فيضان البحر و انخفاض ارضها ، مباني قديمة و سكك ضيقة و شي عجيب و خيالي ..

بالنسبة حق النمسا ( سالزبورج و زلامسي ) فلا ينصح بزيارتهم بالشتاء بسبب البرد و الثلج و تجمد البحيرة ووقت الذروة عندهم بالصيف ، لكنها الصراحة روعة ..

و الأروع من هذا كله سويســــــــــــــــــــــــــــــرا ، احلى طبيعة و احلى جو و احلى في كل شي لكنها غالية جدا ، اغلى من فرنسا و ايطاليا و النمسا بس طبيعة خيالية و لا بالاحلام ما شاء الله ..

بالنسبة حق لندن مو نفس مستوى الدول السابقة ، شوي كئيبة لكن سوقها حلو و طبعا باردة جدا بالشتاء لكن من غير ثلوج ..

و سلامتج و اتعيشين :)

فرنسا تعاملهم مو حلو واسعارها نار ...

سويسرا حلوه ورايقه ..

ايطاليااااا طبعاا انصحك فيها لانه تهبل وفيه كل شي تبينه واسعارها ارخص من فرنسااا مررررره
وانشاءالله تروحون وترجعون بسلامه :24:

تحيه وبعد....

شوفي حبيبتي انا اقول روحي فرنسا مثلا وبعدين اجروا سياره واطلعوا تمشوا كل مره مكان ترى ايطاليا وفرنسا مره قريبين من بعض وحتى سويسرا.....