اشكر جميع اخواتي اللي يسألن عني
اخواتي اكتب لكن وكلي دموع وحزن لكن ماعساي إلا أن اقول اللهم اربط على قلبي وانزل عليه السكينة .
اختي ( ياعمري يالرياض )
الله يجزاك خير تكفين اختي لاتنسيني من دعاك
والله يا أختي ما حارق قلبي إلا هالصغير كان جداً متعلق فيه
يقولي يا أمي خلي عمي يوديني الجنة عند أبوي وينه ماجا ؟
دوم على باله إنه راح يجي من الجنة وكل ماشاف لعبة مع طفل قاله أبوي راح يجيب لي مثلها
عارفة اختي ولدي الصغير يشبه كثير ابوه الله يرحمه ويغفر له كل ما ناظرت بعيونه اشوفه فيه
ويزيد حزني إنه قاعد يقلد أبوه في كل شي .
مره جا عمه الصغير عمره 14 سنه بالسيارة ومر على ولدي وسلم عليه قاله يا عم لا تروح ترا أنا بلبس ثوبي واجيك توديني لابوي تراه يستناني في الجنة .
قام عمه بكى وبكيت معه تراه متعلق فيه لدرجة قوية الله يعطيني الصبر ويعوضني فيه وفي أخوانه تكفون يابنات كل ماتذكرتوني ادعوا لي ولا تنسوني
وسامحوني على كلامي الكثير بس حبيت اطلع شوي من اللي في قلبي
وجزاكم الله ألف خير .
تحيااااااااااااااااااااااااااااااااااااااااااتي .

الله يرحمه ويسكنه فسيح جناته
وأن شاءالله أن مرضه كان كفارة لذنوبه
والله يصبرك ويصبر أولادك ويعينك على تربيتهم
ويجعل فيهم الخلف الصالح

سلاتونه..
والله العظيم انك على بالي بكل وقت...
هذي الدنيااا الله يكفيناا ويكفيك شررها
الله يصبررك ويعوض صبرك خير ويرزقك بالدارين ياحي ياقيوم
والله يصلح لك عيالك وتشوفينهم ائمه مساااجد ياااارب.. ويرزقناا وياك الجنه

انا لله وانا اليه لراجعون..............قطعتي قلبي يا أختي والله مصابك جلل و أبكيتينا معك...ولا حول ولا قوة الا بالله.....الله يخليلك عيالك وكل مصيبة في أولها كبيرة وبعدين تصغر.....الله يعينك على تربيتهم وتشوفينهم رجال ونساء صالحين ويردون روحك بعيالهم انشالله.....صبري وما صبرك الا بالله ...أكثري من الصلاة والدعاء .....الله والله فقط هو مخرجك من اللي أنتي فيه

والله اني اكتب لك وعيوني مليانه دموع و الله يرحمه ويغفره ويسكنه فسيح جناته ويصبر قلبك على الابتلاء ...