سلاتونه عزيزتي
الله يرحمه ويسكنه فسيح جناته يارب العالمين ، "كل من عليها فان ويبقى وجه ربك ذو الجلال والاكرام"

غاليتي

وانتي تحكي حكايتك اتخيل (زوجة اخو زوجي) نفس سالفتك بالضبط
بس هي عندها 6 اطفال اكبرهم ولد كبر بنتك 14 واصغرهم بنت ثلاث سنوات
بعد شهر راح يكمل سنه
ونفس الشي مات بمرض سرطان فالكلا
كان ملتزم ، من البيت للمسجد للدوام ، عمري ما شفته طلع من البيت فرحله او زياره بدون اولاده كان يحبهم مووووت ، وزوجته كأنها ملاك بالنسبه له.

من يوم توفى لين يومك وهي كله صياح فصياح ، ما تقدر تقاوم اي موقف
كل شي يذكرها فيه ، والنتيجه:

ضعف دم ، لانها ما تاكل

قلة النظر ، نضرها كثير قل عن اول بسبب البكاء الدائم

ما تقدر توقف فتره بسيطه ، يجيها دوخه ، ويغمى عليها ، هم بسبب قلة الاكل

اولادها كثير يتضايقو منها ومن صياحها وصارو ما يحبو يجلسو في البيت
ولا يجلسو في المكان اللي هي متواجده فيه.

قلة النوم ، لانها عودة نفسها انها ما تنام وتقضي ليلها في البكاء

حتى ليلة عيد الفطر ماسلمت من صياحها
الناس تيجي تعايد وهي تقلب الجلسه مناحه ، ومنها الناس صارت تكره تروح بيتها بسبب صياحها ، مشكله كل النصائح والكلام اللي يقولولها اياه في الهواء ، ولا تقدر كلامهم ابدا.

رغم ان الله مبرد عليها ودايما يجيها زوجها فمنامهم ويبشرها ان ربي راضي عنه.
دايما اهل المنطقه يحلمو فيه ، اخر مره واحد من اهلنا هو قاضي جاله المرحوم فنومه يبشره ان ربي رضى عنه وعفى عنه وان هو ارتاح من هالدنيا ومن المرض اللي كان فيه.

عزيزتي ، صبري نفسك ، شو ممكن الواحد يسوي هذا ربي وهذي حكمته. واعتقد انك ما تتمني انك توصلي لنفس ما وصلة اليه "زوجة اخو زوجي"

عزيزتي لو اجلس احكيلك عن القصص اللي اسمعها ما راح اخلص ، وعن الذنوب والعذاب اللي يجنيه الميت بسبب دموع اهله هم ما راح اخلص ، صبَري نفسك غاليتي وكوني فعون اولاد قبل لا يطفشو منك ومن صياحك

وكرري دائما " ربي اجرني في مصيبتي واخلفني خيرا منها:
وربي يكون بعونك يارب

والسموحه لاني طولت.

الله يرحمه ويغفر له ويدخله فسيييييييييييح جناته..
ويصبر اختنا بالله الصبر والسلون ويصلح لها ذريتهاااااا ويعوضها خير ان شالله..
والله العظيم مدري وش اكتب ..
بس عليك بالدعااء والصدقه

ياقلبي يا سلاتونه
حسيت بكل حرف كتبيه و بكيتيني
عظم الله اجرك و غفرالله لزوجك
الله يصبرك ويثبتك و يبر عيالك فيك
والله يعطيك الصحه والعافيه و يخليك لهم و يخليهم لك ..
الله يكتب السعادة في الدنيا والآخرة وأن يبلغك بأولادك خيرا ..

_____________________________

والله يا سلاتونه الغاليه ... ان ربي غفور رحيم ...
اعرف لك ناس والله انهم مو لاقين ياكلون ابوهم ما ترك شغله الا واشتغلها
يموت بعياله السته و بزوجته لكن مو قادر يوفر لهم اكلهم و مشربوهم ...قبل سنتين توفي في حادث سياره و ترك زوجته و عياله السته في فقر وجوع وحاجه .... لكن سبحان الله ربي حرمهم من ابوهم لكن سخر لهم واحد ثري عرف عن حالتهم و كفل اسرتهم والله انه عيشتهم عيشه كانو يتخيلوها بس في احلامهم بعيده عن واقعهم ........ وكل من شاف الام الا وهي تقول من مات زوجي وانا احمدالله على كل حال و ادعيه و الحمدلله ربي استجاب لي من حرمان زوجي وعوضني

الله يعوضك خير في صلاح ذريتك وهدايتهم .....

الله يرحمة ...

والله سالفتك ضيقت خلقي ...

الله يرحمه ويغفر له ويدخله فسيح جناته..
ويلهمك الصبر والسلون ويصلح لك ذريتك ويعوضك خير ان شالله..

واحمدي ربك ان زوجك كان راضي عنك لما مات