بنات زوجي قال ليه سر خطيييييير

صباح الخيرات والمسرات ع المصحصحات 
ندخل في الموضوع لانو اكيد كل وحده عندها فضول تعرف اش هو السر الي انا اتفاجأت فيه كمان وحبيت افيدكم لان اغلب الازواج لا يفصح عنه طبعا صارت عندنا شغله انو في واحد من معارفنا تزوج على زوجته ولللكن في السر وهذا الشي مايصير عندنا ابدا يعني شي من جد غريب ولسى ماصحينا من الصدمه ولا صارله سنين ومخلف كمان وزوجته مسكينه ياغافلين لكم الله طبعا زوجته كشفت الموضوع مما جعله انو يستقوي عليها اكثر وزوجته إنسانه ضعيفه لا حول لها ولا قوه المهم يابنات لما عرف زوجي بالخبر قال هي تستاهل وانا عصبت عليه مره واعترف ليه وقال انو الرجال مايحب الزوجه  الضعيفه ابدا وهذا شي معروف يقول وهي خلتله فرصه انو يسوي الي يخطر ع باله لانو عارف انو مافي الي يحاسبه حسبي الله عليه كسر في خاطر الضعيفه المهم وقال ممكن هي كمان ماتهتم وماتتزين وماتتدلعه وهذي الشي الي يبيه اي رجال . 
طبعا الحمدلله انا شخصيتي قويه وماأرضى بأي شي غلط يصير واطين عليه عيشته وكنت كثير اخاف انو يمل مني او يتغير علي بس بالعكس والله والحمدلله هذا من فضل ربي عليه انو يحبني ويحترمني ويعملي الف حساب والله يجعله دايما زي كذا علشان كذا حبيباتي انصحكم لوجه الله لاتتنازلون عن حقوقكم ابدا انصح اكثر شي المقبلات ع الزواج ادخلي عليه بشخصيه محايده شبه قويه ولاتكوني دائما اهم شي يفهم انو انتي مو اي شي وانو انتي مانك  ضعيفه وانصح الي دخلو ع ازواجهم بذي الشخصيه انو يستمروا ويكونو وسط لاإفراط ولاتفريط إن شاء الله فهمتو عليه ..
اما بالنسبه للي متزووجات وراحت عليهم زي اختنا المذكوره قصتها شوفو كل وحده وزوجها لانو يكون تعود عليها ورح يتفاجأ إذا تغيرت فجأه وممكن يصير شئ لايحمد عقباه ولكن ارجوك ارجوك لاتتنازلين عن حقوقك ابدأ ابدأ ..
وسلامتكم وإن شاء الله انو تستفيدون من ذي المعلومه لانو الحمدلله انو زل لسان زوجي فيها لاني رح استمر ع مانا فيه ومارح اتنازل ع اي شي ابدأ ..
لان الرجال مايحب الا الي توريه العين الحمرا علشان يعملها الف حساب وحساب 
دمتم بخير ..