أسأل الله ان يقويك ويرزقك الصبر ، حبيبتي هذا ابتلاء من الله لك ، لا اقول ابتلاء شر ولكن اختبار لك تصبرين عليه ولا

أقلك شغله اذا ربنا سبحانه وتعالى مقدر انه زوجك يتزوج عليك حيتزوج ، واذا ربنا سبحانه وتعالى مو كاتب انه يتزوج طول عمره ما حيتزوج ،

دكتور بعلم النفس قال الرجاجيل لما يكبرون في سن الاربعين او اقل او اكثر ، يعود الرجال في حالة سن المراهقه

وانا اذكرك بقول الرسول صلى الله عليه وسلم ( رفعت الاقلام وجفت الصحف )

اذا مكتوب من الازل حيتزوج بيتزوج واذا مو مكتوب ما حيتزوج لو شو مايصير

لاتكدرين نفسك لانه شي ربنا سبحانه وتعالى كاتبه ، وارضي بقضاء الله وقدره وخليك في بيتك لاتخرجين ، وحاولي تجدي شئ تحبينه وتهتمي فيه عشان تنشغلي

واكثري من الاستغفار والدعاء

بالاخر مايصير نوقف امام حلال ربنا ،

الله يوفقك وييسر امورك ويقدملك الي فيه الخير

يختي مادام انه ماخطب عليك بالدعاء والصدقة وكثرة الاستغفار وإن شاءالله ربي يصده عن الزواج ولايشوف غيرك
وحده دايما زوجها يخطب وزوجته اذا سمعت انه خطب تلجأ للصلاة وبعدين مايحصل نصيب كبروا بالسن وماتوا وهو ماتزوج الله يرحمهم برحمته ويسكنهم فسيح جناته
عليك بكثرة الدعاء خاصة وقت السجود
واكثري من قراءة (ربنا هب لنا من أزواجنا وذرياتنا قرة أعين واجعلنا للمتقين إماما)

ليش تروحين لبيت اهلك؟؟؟!!!
لا برأيي اجلسي في بيتك حتى لو راح شهر عسل او سافر
اجلسي واطلعي تمشي مع عيالك واهلك مدامك ماتقدرين تسوين شي وحلال محلله الله
فمالك يااوخيتي الا ذا الحل بس لاتروحين عند اهلك
والله يكتب اللي فيه صالح

ماشاء الله عليج دليل انج بنت نااس وخوش بنت واصيله
ماقلتي لا علي زواجه عشان لايروح للحراام .. بصرااحه عجبتيني
بس ياختي والله مادري شقولج عن زوااجه..
شوفي ياقلبي داام الرجال حط بمخه سالفه التعدد خلاص لو ان شاء الله متزوج ملكه جمال ,, يبي يعدد مايقدر.,.
وخلاص ياعمري اصبرري والله يسخركم لبعض وراح تبيقين انتي الاصل ورااس المال...
ولاتروحين لبيت اهلج نصيحه من اخت لاختهاا..

اختي سواء وافقتي او لا القرار بيدينه اهو اللي يقرر وزين انه قالك احمدي ربك بعضهم ليلة زواجه يبلغها شوفي عاد الصدمه اللي تجيها........واذا انتي حابه تروحي لاهلك بالاجازه روحي ايش المشكله ...وسالفة الحريم اللي يقولون لك انه يتعود عليها فهذا كلام مو صحيح وانتي اعرف بزوجك ومدى تعلقه فيك وفي عياله روحي اسبوعين عند اهلك وقت عرسه واذا حبيتي تقعدين في بيتك عادي ولا تكونين اخذه الموضوع بحساسيه هذي سنة الحياة ولا اعتراض
وانا مثلك زوجي مملك وزواجه في العطله ومتقبله الامر برحابة صدر ولا حطيته في بالي