بنات زوجي يخوني ومتغير على

الله يعينك ماكان ليه داعي تفتشي
قاعدة تاكلي بنفسك وهو ولا عليه
الحين لاتواجهيه لأنك مو مستفيدة شي
يحلفلك وينزل دمعتين
وهو هناك ماتدري عنه وش يسوي
لافي زوجة تشغله ولا ببت يتلهي بيه وبطلباته
ثاني شي تسويه تطالبي بالسكن معاه
لاتقولي المادة ومدري ايش
لما انتي تزوجتي كنتي عارفة هالوضع ورضيتي ببه
فالغلط راكبك
اما لو هالعمل صار بعد الزواج
فكان مارضيتي بهالوضع لأنه مو طبيعي
الحي واصري عالسكن عنده
يعني الحال بيفضل كذا لمتى
هو عايش لوحده كأنه عزابي
وانتي ساكنة عند اهلك وش له داعي هالزواج
لما تسكني معاه
وقتها تقدري تواجهيه وتعاتبي
والله يعينك ويفرج همك

حاولي تروحي عنده

تباعد الازواج يسبب الانحرفات

لا تكبري الموضوع وتعلميه انك تعرفي

اسكتي

وخططي بهدوء

وروحي الحين كولي شيء

وقوي نفسك

لان ضعفك هذا يخلي الرجال يلعب فيك لعب

الرجال ما راح يكون مثل امك وابوك وعيالتك الكريمه

الزوج زوج مشارك لك في الحياه فقط

اما تبنين منه قصص واوهام انه السند وانه المنقذ اكيد اقل غلطه اكيد راح تنهارين

لا تعلقين نفسك في رجال

ولا تصغرين اهدافك وكأن هدفك رجال تتعلقين فيه

علقي قلبك بالله

وكلنا وحيدين بالحياه وفاقدين

وكبرك هذا خلاص ما تعتبري يتيمه

خليك قويه

اذا هو يتمسخر عليك تمسخري عليه

ترا بعض الرجال ما ينفع معهم الادب الزايد 

جزاكم الله خير بس انتو ماتعرفو وش ظرفي ظرفي من سابع المستحيلات اني اروح معه بس بيت اوضحلكم

وينكم بنات ابي ردودكم

وش تبينهم يقولون لك ؟
موضوعك سبقه مئات وألوف المواضيع عن الخيانه الزوجيه والكلام فيها صار مكرر هو نفسه وماله أي حلول سحريه للاسف
لكن مثل هذي التجارب القويه لها حكمه ورساله خفيه لازم تفهمينها وتعملين بها
على سبيل المثال انك ماتحطين على زوجك هاله من القداسه وترفعين سقف توقعاتك فيه ثم تنصدمين بإنه مجرد انسان ضعيف يصيب ويخطيء
وانك ماتجعلين أي مخلوق بشري مثل زوجك محور كونك واكسجينك وسعادتك الوحيد وبدونه تختنقين وتموتين وتنهارين وتضيعين
يعني لا تعلقين قلبك في مخلوق بشري ضعيف كأنه اخر حبه ان اعطاك وجه انبسطتي وان غاب وصد تنكدتي وانهرتي
جددي افكارك القديمه وطوري شخصيتك لنفسك مو لزوجك ولا لأي مخلوق وكوني قويه ونوعي مصادر سعادتك وبهجتك وحطي لنفسك اهداف وخطط تسعين فيها لنفسك مالها أي علاقه بزوجك
اعطي نفسك مساحه لنفسك بعيد عنه تركزين في حاجات تحبينها
اما بخصوص الخيانه بشكل عام انا دايماً اقول محد فينا يقدر يقرر نيابة عنك وش تسوين لانك ادرى بظروفك ورغباتك وادرى بالمرحله النفسيه والعاطفيه اللي انتي تمرين فيها وانتي اللي لازم تخوضين هذا الاختبار وتتخذين فيه القرارات لان مثل ماقلت لك فيه حكمه ورساله ان فهمتيها وسعيتي فيها انتي راح تتطور شخصيتك وافكارك وربما تتغير حياتك
الله يعينك ويقويك ويرشدك للصواب